20 jyldyq: «Barys» klýbqa eńbek sińirgen oıynshylarǵa qurmet kórsetti
NUR-SULTAN. QazAqparat – QR Tuńǵysh Prezıdenti kúni elordada «Barys» hokkeı klýbynyń damýyna zor úles qosqan oıynshylarǵa qurmet kórsetý sharasy ótti, dep habarlaıdy QazAqparat.
Oıynshylardy ulyqtaý saltanaty klýbtyń 20 jyldyǵyna oraılastyryldy.
«Tuńǵysh Prezıdent - Elbasy Nursultan Ábishuly Nazarbaev shaıbaly hokkeımen qosa, jalpy sportty damytýǵa zor úles qosty. Onyń jeke kóńil bólýi men qoldaýynyń arqasynda qazirgi hokkeı ınfraqurylymy quryldy. Osy zamanaýı muzaıdyny saraıy da Elbasy N.Á. Nazarbaevtyń jeke tapsyrmasy boıynsha salyndy. Memleket basshysy Qasym-Jomart Kemeluly Toqaev kásibı jáne buqaralyq sport túrlerin damytýǵa basa nazar aýdaryp otyr. Sportshylar úshin barlyq jaǵdaılar jasalýda», - dedi Qazaqstannyń shaıbaly hokkeı federatsııasynyń Prezıdenti Asqar Mamın «Barys Arenada» ótken sharada.
«Barys Arena» kúmbeziniń astynda klýbtyń jeti oıynshysynyń: Vıtalıı Eremeev, Nıkolaı Antropov, Aleksandr Koreshkov, Talǵat Jaılaýov, Fedor Polışýk, Brendon Bochenskı jáne Kevın Dallmennyń jeıdeleri kóterildi.
«Qazir «Barys» – balalar hokkeıinen bastap kásibı deńgeıge deıingi sportshylardy daıyndaýdyń qalyptasqan júıesi. Klýb qurylǵannan beri onyń qasynda júrgenderdiń barlyǵyna: «Barystyń» tarıhyn jasaǵan ári kóptegen jankúıerleriniń qoldaýyna ıe bolǵan oıynshylarǵa jáne jattyqtyrýshylaryna alǵys aıtqym keledi», - dedi A. Mamın.
Aıta keteıik, «Barys» komandasynyń eńbek sińirgen oıynshylaryn ardaqtaý rásimi «Barys» - «Dınamo» Mınsk matchy aldynda ótti.
