20 jyldan keıin Qazaqstan qalalaryndaǵy halyqtyń sany 65 paıyzǵa jetedi - E. Orynbaev
ASTANA. 27 qarasha. QazAqparat - 20 jyldan keıin Qazaqstan qalalarynda halyqtyń 65 paıyzy ómir súredi. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte Úkimet basshysynyń orynbasary Erbol Orynbaev málim etti.
«Qazirgi kezde qalalarda 9,4 mıllıon adam turyp jatyr. Atap aıtqanda bul el halqynyń 55 paıyzyn qamtyp otyr. Aldaǵy 20 jylda ýrbanızatsııa taǵy 10 paıyzǵa artady dep kútilýde»,- dedi ol. Osy oraıda ol Qazaqstan boıynsha ýrbanızatsııa deńgeıi birkelki emes ekendigin sóz etti. ıAǵnı, keıbir óńirlerde halyqtyń qalalyq jerge aǵylý kórsetkishi joǵary bolýda. «Bul turǵyda birinshi oryndarda Astana, Almaty qalalary, Ońtústik Qazaqstan men Almaty oblystary tur. Sonymen qatar halyq sany tómendep kele jatqan óńirler bar»,-dedi E. Orynbaev.
