20 jylda kóp ister atqaryldy- EQYU-nyń bas hatshysy
QR Tuńǵysh Prezıdenti-Elbasy kitaphanasynda «Eýropadaǵy qaýipsizdik pen yntymaqtastyq uıymynyń Qazaqstandaǵy 20 jyly: yntymaqtastyq pen jetistikter» halyqaralyq konferentsııasy ótti. Mańyzdy sharaǵa 180-ge jýyq memlekettik qyzmetker, azamattyq qoǵam, halyqaralyq qoǵamdastyq, dıplomatııalyq korpýs ókilderi uıymnyń Qazaqstan arasyndaǵy 20 jyldyq qyzmetine baǵa berýge jınaldy. Konferentsııaǵa EQYU-nyń bas hatshysy Tomas Gremınger de qatysty. Osy ataýly dataǵa baılanysty bas hatshy «QazAqparat» HAA shaǵyn suhbat berdi.
- Tomas Gremınger myrza, 20 jyl aıasyndaǵy Qazaqstan men EQYU arasyndaǵy yntymaqtastyqty qalaı baǵalaısyz?
- Bul meniń bas hatshy retindegi Qazaqstanǵa tuńǵysh kelýim. Osy jolǵy saparym Qazaqstannyń EQYU arasyndaǵy áriptestiginiń 20 jyldyǵymen tuspa-tus kelip otyr. Saparym óte nátıjeli ótip jatyr dep oılaımyn. Meniń Prezıdent Nursultan Nazarbaevpen jáne Syrtqy ister mınıstri Qaırat Ábdirahmanovpen de kezdesýim de joǵary deńgeıde ótti. Bizdiń áriptestigimiz Ortalyq Azııa aımaǵyndaǵy qaýipsizdikti nyǵaıtý baǵytynda jalǵasa beretinine senimim zor. Uıymymyzdyń Astanadaǵy ókildigi osy saladaǵy jumysqa kóńili tolyp otyr. Biz óz tarapymyzdan Qazaqstannyń 5 ınstıtýtsıonaldyq reformasyn jáne osy baǵyttaǵy jumystaryn jan-jaqty qoldaýǵa ázirmiz. Bılik júıelerin ortalyqsyzdandyrý baǵytyndaǵy jumysyna da qoldaý bildirýge daıarlyq iltıpatymyzdy bildiremiz. Onyń eki aspektisi bar: polıtsııa jáne ádilet júıesiniń reformasy Ulttyq josparmen qatar júrip otyrady. EQYU osy taraptaǵy jumystardy tolyq qoldaıdy. Taǵy bir baǵyttaǵy áriptestigimiz jasyl ekonomıka, ekonomıkanyń turaqty damýy, qorshaǵan orta qaýipsizdigin qoldaý baǵytynda órbimek. Uzaq merzimdi josparda áriptestigimizge jastardy tartamyz degen nıetimiz bar. Óıtkeni, bizdiń uıymdy keleshekte kim basqaratynyn bilemiz. Bizdiń Astanadaǵy ofısimiz de jastardyń qoǵamdyq-saıası jumysqa belsene aralasýyna qoldaý bildiredi. Bul oraıda, EQYU uıymynyń Ortalyq Azııadaǵy jastar jelisi (CAYN) osy jyldyń ózinde 12 konferentsııa ótkizdi. Bul jastar jelisiniń qazirde Qazaqstan, Qyrǵyzstan, Túrikmenstan, Ózbekstan, Tájikstan men Mońǵolııa elderinde 350-ge jýyq túlekter qaýymdastyǵy turaqty jumys isteıdi. Osy CAYN uıymynyń múshelerimen jýyrda Venada kezdeskenim jyly áser qaldyrdy. Osy rette Qazaqstannyń ásirese jasyl ekonomıkany alǵa ilgerleýine yqpal etip júrgen Venadaǵy elderińizdiń turaqty ókili Qaırat Sarybaıdyń da jumysyn atap ótkim keledi.Túıindeı aıtsam, Qazaqstan men bizdiń uıymnyń 20 jyldyq áriptestigin joǵary baǵalaımyn. 2019 jyly biz bolashaq yntymaqtastyq pen áriptestikti keńeıtý múmkindikterin anyqtaý maqsatynda tyǵyz jumys isteıtinimizdi aıtqym keledi.
- Qazaqstannyń aımaqtaǵy beıbitshilik pen kelisimdi nyǵaıtýdaǵy jumystaryna qandaı baǵa berer edińiz?
- Qazaqstan qazirde aımaqtaǵy turaqtylyqty nyǵaıtýda sáýletshi, biz oǵan kýámiz. Qazaq eli qazirde aımaqtaǵy turaqtylyqty saqtaýdaǵy basty róldi atqaryp otyrǵanyn da basa aıtý kerek. Biz de EQYU tarapynan osy oń qarqyndy odan ári jan-jaqty qoldaýǵa ázirmiz.
- Elbasy kitaphanasyna degen nıet-tilegińizdi estisek...
- Men úshin osyndaı eńseli ǵımaratqa kelip, konferentsııaǵa qatysý zor mártebe. Osyndaǵy eksponattar, beıneler zor áser qaldyrdy. Ásirese el Úkimetiniń ıadrolyq qarýsyzdandyrý ustanymynyń kórinisin osy kitaphanadan anyq kórdim. Mundaı saıası qadamdy maqtaý kerek (jymıdy).
- Suhbatyńyzǵa kóp rahmet.
Áńgimelesken Qanat Áýesbaı
