20 jyl ishinde elimizde týberkýlezdan bolatyn ólim-jitim 5 ese azaıǵan - A.Tsoı

ASTANA. QazAqparat - 20 jyl ishinde Qazaqstanda týberkýlezden kóz jumatyn azamattar sany 5 esege azaıǵan. Bul týraly búgin Ortalyq kommýnıkatsııalar qyzmetinde ótken brıfıng barysynda Densaýlyq saqtaý jáne áleýmettik damý mınıstri Alekseı Tsoı málim etti.

«2014 jyldyń qorytyndysy boıynsha, 1995 jylmen salystyrsaq, azamattarymyzdyń ortasha ómir súrý jasy 8 jasqa artqan. 20 jyl ishinde qan-tamyrlar aýrýynan óletin azamattardyń sany 2,3 esege, týberkýlezden bolatyn ólim-jitim sany 5 esege azaıǵan. Oqys jaǵdaılardan, ýlaný men jaraqattan kóz jumatyndardyń sany 1,6 esege kemip otyr»,-dedi A.Tsoı.

Vıtse-mınıstr sondaı-aq qazir Qazaqstan boıynsha neshe aýrýhana men emhana jumys istep turǵanyn eske salyp ótti.

«Qazir Qazaqstanda 911 aýrýhana men 3 164 ambýlatorııalyq emhana uıymy jumys isteıdi, olardyń 729-y jáne 2 175 ambýlatorııalyq emhana memleket menshigindegi uıym bolyp sanalady. Respýblıka boıynsha 229 myń medıtsına qyzmetkeri jumys istese, onyń ishinde 70 myńnan astam dáriger bar», -dep habarlady A.Tsoı.