20 jyl ishinde álem 100 mıllıon gektar ormannan aıyryldy - BUU
NUR-SULTAN. QazAqparat – Eki onjyldyqta álem 100 mln gektarǵa jýyq ormannan aıyryldy. BUU boljaýynsha, jahandyq ormansyzdaný bastalýy múmkin, dep habarlaıdy QazAqparat European Data News Hub portalyna silteme jasap.
BUU-nyń Azyq-túlik jáne aýyl sharýashylyǵy uıymynyń aqparaty boıynsha, jalpy jer ýchaskesindegi orman úlesi 2000 jyly 31,9% bolyp, 2020 jylǵa deıingi aralyqta 31,2%-ǵa deıin tómendegen jáne qazir shamamen 4,1 mlrd gektardy quraıdy. ıAǵnı, álem 100 mln gektar ormanynan aıyrylǵan.
Ormansyzdaný keıingi onjyldyqta Afrıkada, Sahara men Ońtústik-Shyǵys Azııadan ońtústikke qaraı údep ketti, al ormansyzdanýdan qatty zardap shekken Latyn jáne Ońtústik Amerıkada, qazir bul protsess kerisinshe baıaýlady.
Ormandardy daqyl ósirý, aýyl sharýashylyǵy janýarlaryn baǵý úshin joıady. Bul úrdis ásirese az damyǵan elderde baıqalady.
Álemdik tabıǵı resýrstar ınstıtýty qurǵan Global Forest Watch servısiniń málimeti boıynsha, 2019 jyly eń kóp ormanynan aıyrylǵan elderdiń bestigine Reseı (-3,7 mln ga), Brazılııa (-2,7 mln ga), Kanada (-2,2 mln ga), AQSh (-2,1 mln ga) jáne Aýstralııa (-1,7 mln ga) kirip otyr.
