20 jyl buryn Reseıde boıjetkendi óltirgen er adam Pavlodardan ustaldy
«Polıtseıler Pavlodar qalasynda 46 jastaǵy qylmyskerdi ustady. Ol Reseı Federatsııasy Perm qalasynda adam óltirdi dep aıyptalǵan. Belgili bolǵandaı, 2001 jyly er adam boıjetkendi óltirip, qylmys jasaǵannan keıin Pavlodar qalasyna kelgen. Qylmysker aılaker jáne qý bolyp shyqty: onyń tegindegi bir áripti ádeıi ózgertip alǵany anyqtaldy», - dedi Pavlodar oblystyq polıtsııa departamenti bastyǵynyń orynbasary Eldar Ábdikenov.
25 qyrkúıekten 1 qazanǵa deıingi aralyqta Pavlodar oblysynda polıtsııa Qazaqstannan tys jerlerde jasyrynyp júrgen qylmyskerlerdi izdeýdiń tıimdiligin arttyrý boıynsha «Іzdeý» operatsııasyn júrgizýde, dep atap ótti Pavlodar oblystyq polıtsııa departamentinen.
«Pavlodar oblystyq jedel qyzmetkerleri aýyr qylmys jasaǵany úshin izdeý salynǵan 5 qylmyskerdi ustady. Buryn iz-túzsiz joǵalyp ketken eki azamattyń qaıda ekeni anyqtaldy», - dedi E. Ábdikenov.
Tártip saqshylary 19 jyl boıy óz elinde jazasyn óteýden qashyp júrgen 52 jastaǵy Qyrǵyzstan azamatynyń mekenjaıyn anyqtady.
«Qaraǵandy oblysyndaǵy áriptestermen birge Jezqazǵan qalasynda 25 jastaǵy pavlodarlyqty ustadyq. Ol Pavlodarda urlyq jasaǵany úshin kúdikke ilingen. Ol Jezqazǵandaǵy ýaqytsha ustaý oqshaýlaǵyshyna qamaldy», - dep habarlady departamenttiń baspasóz qyzmetinen.
Pavlodar oblysynyń polıtseıleri jyl basynan beri sot pen tergeýden qashyp júrgen 74 qylmyskerdi ustady, dedi vedomstvodan.