20 jyl buryn Nur-Sultanda kartop egilgen dala ǵana boldy - UNWTO bas hatshysy
«Men Nur-Sultanǵa alǵash ret kelip otyrmyn. 20 jyl buryn munda kartop egilgen dala jatyr edi. Al qazir óńirdegi eń zamanaýı qalada otyrmyz. Mınıstrleri men ákimderi týrızmdi talqylaıtyn oryndar óte az. Búginde týrızm qarqyndy damyp keledi jáne alýan túrli qyzyqty oryndarmen birge ózekti máseleler de týyndaýda», - dedi UNWTO bas hatshysy búgin elordada bastalǵan Búkilálemdik týrıstik uıymnyń VIII jahandyq sammıtinde.
Onyń aıtýynsha, 20 jylda Nur-Sultan qalasynyń ósip-damýy sáýlettik kelbet pen aqyldy ınfraqurylymdy josparlaýdyń, júzege asyrýdyń naqty mysaly bola alady.
«Sońǵy jyldary Qazaqstan Ortalyq Azııadaǵy beıbitshilik pen damý baǵytyn ustandy. Munda búkil álemniń týrısteri úshin aýqymdy ilgerileý boldy. Nur-Sultan «aqyldy» baǵytta damyp keledi. «Aqyldy qalalar» adamdardyń ómirine jaqsy yqpal etip qana qoımaı, týrısterge de tamasha áser beredi. Týrızm sektory qoǵammen ózara baılanysta bolýy tıis. Al biz týrızmniń ekonomıka damýyndaǵy rólin túsindirýimiz kerek. Tájirıbe almasyp, týrızm salasyndaǵy máselelerdi sheshkimiz keledi», - dedi Z. Pololıkashvılı.
Aıta keteıik, 10-12 qazan kúnderi elordada Búkilálemdik týrıstik uıymnyń (UNWTO) qala týrızmi jóninde VIII jahandyq sammıti ótedi. Onda aqyldy qalalardy damytý arqyly qalanyń ózekti máselelerin sheshý, qalany basqarý, turaqty damý, ınnovatsııalar men tehnologııalar taqyryptary talqylanady.
