20 jyl buryn Máskeýde jýrnalıst Vladıslav Lıstevti atyp ketti, qylmys áli kúnge deıin ashylǵan joq
ASTANA. QazAqparat - Jeksenbi kúni telejýrnalıst Vladıslav Lıstevtiń óltirilgenine 20 jyl tolady. Іs áli ashylmaǵan kúıine qaldy, dep habarlady Rosbalt.
«Lıstevti óltirý boıynsha is toqtatylǵan joq jáne ol qashan ashylǵansha toqtatylmaıdy. Bul is boıynsha barlyq qatysýshardy, sondaı-aq osy qylmysqa tapsyrys berýshini anyqtaýǵa baǵyttalǵan jedel sharalar júrgizilýde», - dep málimdedi Reseı Tergeý komıtetiniń resmı ókili Vladımır Markın.
Vladıslav Lıstev (1956 jylǵy 10 mamyr - 1995 jylǵy 1 naýryz) keńestik jáne reseılik telejúrgizýshi jáne telejýrnalıst, ORT telearnasynyń alǵashqy bas dırektory. Lıstev «Ǵajaıyptar alańy», «Taqyryp» jáne «Qarbalas saǵat» telejobalaryn jasaýshy jáne júrgizýshi boldy. Lıstevtiń sońǵy jobasy ol qaza bolǵannan keıin ekranǵa shyqqan «Áýendi tap» teleoıyny edi.
1995 jylǵy 1 naýryzda Vladıslav Lıstev «Qarbalas saǵat» baǵdarlamasynyń túsiriliminen keıin Novokýznetsk kóshesindegi óz úıiniń kireberisinde óltirildi. Onyń baǵaly zattary men aqsha qarajattaryna eshkim tımegen, bul tergeýshilerdiń ony óltirý iskerlik nemese saıası qyzmetimen baılanysty bolýy múmkin degen paıymdaýlar jasaýyna negiz boldy.
11 jyl tergeýden keıin qylmys jasaǵan naqty adamdardy anyqtaý múmkin bolmady, osyǵan baılanysty 2006 jylǵy 3 sáýirde Bas prokýratýra qylmystyq is boıynsha tergeýdi RF QPK 208-babyna sáıkes toqtatty.
Lıstevtiń óltirilýi boıynsha isti qaraý merzimi 2010 jyly ótip ketti.
