20 jyldan keıingi kezdesý: polıtsııa turǵynǵa týǵan ápkesin tabýǵa kómektesti
ASTANA. KAZINFORM – Jetisý oblysy Úshtóbe qalasynda polıtsııa qyzmeti tek quqyqtyq tártipti saqtap qana qoımaı, adamdarǵa qıyn jaǵdaıda árdaıym qoldaý kórsetýge daıyn ekenin dáleldedi, – dep jazdy Polisia.kz.
Shyǵys Qazaqstan oblysy Tarbaǵataı aýdanynyń turǵyny 20 jyl buryn ápkesin joǵaltyp alǵan. Úmiti úzilmegen turǵyn ápkesin taýyp qalarmyn degen nıetpen Úshtóbege barǵan.
Ol kóshede ýchaskelik polıtsııa ınspektorlary Aıbek Qazı men Talǵat Esqojanovpen jolyǵady. Polıtseıler onyń ótinishine birden ún qatyp, izdestirý jumystaryna kómektesýge kiristi.
Osylaısha júıeli jumystyń arqasynda tártip saqshylary baýyrlardy qaýyshtyrdy. Áıel polıtsııa qyzmetkerlerine alǵysyn bildirdi.
Aıta keteıik, Reseı azamaty araǵa 59 jyl salyp, Astanada anasymen qaýyshty.