20 jyl kútken kambek: Qazaqstan Azıadada konkýrǵa qaıta qatysady
ASTANA. KAZINFORM — Qazaqstandyq shabandozdar Azıada oıyndarynda jerebe aldyndaǵy sońǵy jattyǵýlaryn ótkizip jatyr. Ulttyq qurama sońǵy ret 2006 jyly baq synaǵan konkýrǵa araǵa 20 jyl salyp oraldy.
Tokıodaǵy ahýal týraly QR aǵa jattyqtyrýshysy Azamat Hasenov aıtyp berdi.
— Bul — bizdiń búkil at sporty úshin óte mańyzdy ári aıtýly oqıǵa. Komanda tolyqtaı jınaqtalǵan. Sportshylar jospar boıynsha jattyǵyp jatyr, startqa birtindep jaqyndap kelemiz. Qazaqstan atyn laıyqty tanytyp, el kútip otyrǵan joǵary nátıjeni kórsetkimiz keledi, — dedi Hasenov.
Onyń sózinshe, jylqylardyń fızıkalyq kúıi jiti baqylanyp jatyr.
— Jalpy alǵanda, beıimdelý qalypty ótip jatyr. Jergilikti klımat erekshelikteri muqııat eskerildi. Sportshylarymyzdyń, eń bastysy, attarymyzdyń fızıkalyq kúıin óte jiti baqylap otyrmyz, bul — biz úshin basty basymdyq. Qazirgi maqsat — daıyndyqty alańsyz, sabyrly aıaqtap, startqa tas-túıin daıyn bolý, — dep túıindedi aǵa jattyqtyrýshy.
Osyǵan deıin konkýrdan el kýbogyn Ánýar Dosmaılov enshilegenin jazǵanbyz.
