20 jeltoqsanda respýblıka joldaryndaǵy ahýal qandaı
ALMATY. KAZINFORM – «QazAvtoJol» ulttyq kompanııasy eldegi joldardyń qazirgi ahýaly týraly habarlady.
Ulttyq kompanııanyń málimetinshe, 2025 jylǵy 20 jeltoqsanda tańerteń aýa raıynyń jaqsarýyna baılanysty respýblıkalyq mańyzy bar birneshe jolda qozǵalys qaıta jandandy.
Aqtóbe oblysy
• «Qostanaı – Rýdnyı – Denısovka – Komsomolskoe – Qarabutaq» avtojolynyń 5-234 shaqyrym aralyǵy (Qarabutaq aýyly – Qostanaı oblysynyń shekarasy).
Qostanaı oblysy
• «Qostanaı – Rýdnyı – Denısovka – Komsomolskoe – Qarabutaq» avtojolynyń 234-501-shaqyrym aralyǵy (Aqtóbe oblysynyń shekarasy – Rýdnyı qalasy).
Jabyq joldar
Pavlodar oblysy
«Astana – Shiderti – Pavlodar – Ýspenka – RF shekarasy» avtojolynda (Qalqaman eldi mekenine kireberis pen Astanaǵa shyǵatyn baǵyt) kóliktiń barlyq túri úshin qozǵalysqa ýaqytsha shekteý engizildi. Qalqaman eldi mekeninen Astanaǵa qozǵalys Bereke «Qalqaman – Aqsý» kólik aıryǵy arqyly jáne Pavlodar qalasynan Qalqaman eldi mekenine qozǵalys «Baıanaýyl» kólik aıryǵy arqyly júzege asyrylady.
Jetisý oblysy
«Úsharal – Dostyq – QHR shekarasy» avtojolynyń 84-164-shaqyrym aralyǵynda (Kóktuma kenti – Dostyq stantsııasy) kóliktiń barlyq túri úshin qozǵalysqa shekteý engizildi.
Jol shamamen 2025 jylǵy 20 jeltoqsan saǵat 14:00-de ashylady.
Eske salaıyq, buǵan deıin Qazaqstannyń 18 oblysynda 20 jeltoqsanda aýa raıyna baılanysty eskertý jarııalanǵan edi.