20 jeltoqsan kúni Qazaqstanda ótetin mańyzdy sharalarǵa sholý

ASTANA

Saǵat 09.15-te Park Inn qonaq úıinde ushatyn qarýlardyń avtonomdy júıesine zańdy túrde tyıym salýǵa arnalǵan dóńgelek ústel ótedi.

Saǵat 9.30-da «Redısson» qonaq úıinde Qazaqstan halqy Assambleıasy Kásipkerleriniń «Memleket basshysynyń tapsyrmalaryn oryndaýda Qazaqstan halqy Assambleıasy kásipkerler qaýymdastyǵynyń 5 bastamasy» forýmy bastalady.

Saǵat 10.00-de Senattyń kezekti otyrysy  bolady.

Saǵat 10.00-de S. Seıfýllın atyndaǵy Qazaq agrotehnıkalyq ýnıversıtetinde Aqmola, Qaraǵandy jáne Soltústik Qazaqstan oblystarynyń fermerlerine arnalǵan «Jer bólinisiniń aıqyn negizderi: teorııadan tájirıbege» atty semınar ótkiziledi.

Saǵat 10.30-da Mınıstrlikter úıinde Pavlodar oblysy boıynsha bólingen respýblıkalyq bıýdjet qarajatyn paıdalanýǵa júrgizilgen memlekettik aýdıttiń qorytyndysy boıynsha Esep komıtetiniń otyrysy ótedi.

Saǵat 11.00-de Úkimet úıinde Ulttyq ekonomıka vıtse-mınıstri Serik Jumanǵarınniń qatysýymen «Kommýnaldyq tarıfterdi tómendetý boıynsha qabyldanǵan sharalar týraly» baspasóz konferentsııasy ótedi.

Saǵat 11.00-de QR Ulttyq mýzeıinde «Altyn adamnyń álem mýzeılerine sherýi» atty halyqaralyq kórme boıynsha jyldyq qorytyndy baspasóz máslıhaty bolady.

Saǵat 11.00-de Mınıstrlikter úıi, 11-kireberiste aqparat, aqparattyq-kommýnıkatsııalyq tehnologııalar men kommýnaldyq qyzmetter kórsetý salasyn damytý jónindegi Qoǵamdyq keńestiń otyrysy ótedi.

Saǵat 15.00-de «Qazaqstannyń Damý Banki» AQ jańa ǵımaratynda  Denıs Ten atyndaǵy qordyń qyzmetine arnalǵan  baspasóz konferentsııasy ótedi. Sharaǵa qor dırektory Oksana Ten, Qamqorshylyq Keńesiniń músheleri - Bolat Jámishev, Tımýr Bekmambetov, Erlan Qojaǵapanov qatysady.

Saǵat 15.00-de «Azııa Park» saýda jáne oıyn-saýyq ortalyǵynda  «Astana jastary» KMM «Jumyspen qamtý jáne áleýmettik baǵdarlama jol kartasyn» júzege asyrý aıasynda jergilikti atqarýshy organ ókilderiniń qatysýymen jastarǵa konsýltatsııalyq kómek kórsetý boıynsha is-shara uıymdastyrady.

Saǵat 19.00-de eń tanymal jańa jyldyq kınokartına - «Elkı Poslednıe» fılminiń aldyn ala kórsetilimi bastalady.

ALMATY

Saǵat 10.00-de Ál-Farabı atyndaǵy Qazaq ulttyq ýnıversıtetiniń kitaphanasynda Prezıdenttiń «Uly dalanyń jeti qyry» maqalasy aıasynda «Keshki Almaty» gazetiniń 50 jyldyǵyna jáne «Almaty aqshamynyń» 30 jyldyǵyna arnalǵan ǵylymı-praktıkalyq konferentsııa ótkiziledi.

Saǵat 11.00-de Almaty qalasynyń Aımaqtyq kommýnıkatsııalar qyzmetinde «Azamattarǵa arnalǵan Úkimet» memlekettik korporatsııasynyń» Almaty qalasy boıynsha fılıalyn tsıfrlandyrý baǵytynda jumys júrgizý» taqyrybynda baspasóz máslıhaty ótedi.

Saǵat 11.00-de Qazaqstan Respýblıkasynyń Ulttyq kitaphanasynda jazýshy, ádebıettanýshy, dramatýrg, Memlekettik syılyqtyń laýreaty Asqar Súleımenovtiń 90 jyldyǵyna arnalǵan kesh ótedi. Shara aıasynda Asqar Súleımenovtiń ómiri men shyǵarmashylyǵy týraly «Parasat padıshasy» atty kitap kórmesi ótedi.

Saǵat 11.00-de «Interfaks-Qazaqstan» agenttiginiń baspasóz ortalyǵynda Rojdestvo merekesine arnalǵan baspasóz máslıhaty ótedi.

11.00-15.00 aralyǵynda Almaty qalasynyń jastar saıasaty departamentiniń qoldaýymen Depo Evolution Park ortalyǵynda 400-den astam balalar men jasóspirimderge arnalǵan teatrlandyrylǵan Jańa jyldyq qoıylymdar, sondaı-aq jarystar men oıyn-saýyq ótkiziledi.

Saǵat 12.00-de Qazaqstan Respýblıkasynyń Ulttyq kitaphanasynda «MMA Titan FC 51» jaýyngerlik óneriniń halyqaralyq týrnırine arnalǵan baspasóz máslıhaty ótedi. Baspasóz konferentsııasyna «Tıtan» klýbynyń prezıdenti Lek Mak-Mahon, álem chempıondary Beıbit Nazarov, úsh dúrkin álem chempıony, brazılııalyq Iezıa Kavalkante qatysady. Sondaı-aq sharaǵa UFC chempıondary Stefan Strýve, Kamara Ýsman jáne Gılber Berns qonaq bolady.

KÓKShETAÝ

Saǵat 11:00 Óńirlik kommýnıkatsııalar qyzmetinde Aqmola oblysynyń jer qatynastary basqarmasynyń basshysy Almagúl Qadyralınanyń qatysýymen «Jer qatynastary basqarmasynyń 2018 jylǵy atqarylǵan jumystarynyń qorytyndysy» taqyrybynda brıfıng ótedi.

ShYMKENT

Saǵat 15.00-de Shymkent qalasyndaǵy halyq tyǵyz ornalasqan  úsh shaǵynaýdanda jańa jedel járdem beketteri ashylady.