20 jastaǵy Merılın Monronyń buryn jarııalanbaǵan sýretteri Jelini dúr silkindirdi (FOTO)
ASTANA. QazAqparat - Jas Merılın Monronyń buryn eshqaıda jarııalanbaǵan fotolary Jelini dúr silkindirdi.
Ol kezde aktrısa Merılın Monro emes, mansabyn endi bastaǵan model Norma Djın Mortensonnyń fotosýretteri 1946 jyly túsirilgen. Bul onyń sóz sóılep, án shyrqaǵan alǵashqy fılmi túsirilgenge deıin eki jyl buryn boldy.
Onda keıinnen búkil álemge tanymal bolǵan aktrısanyń jasy nebári 20-da edi. Biraq sol kezde Merılın Monro osyǵan deıin 16 jasynda nekelesken jubaıy Djeıms Dogertımen ajyrasyp, «20th Century Fox» kınostýdııasymen kelisim ornatyp úlgerdi.
Fotosýretterdiń avtory - fotograf Andre De Dıenes. Ol mansabyn endi bastaǵan modeldiń sýretterin olardyń Malıbýǵa birge barǵan kezinde túsirgen, dep jazady informing.ru.
