20 jastaǵy qazaqstandyq qarsylasyn nokaýtqa jiberdi
ASTANA. QazAqparat - Orta salmaqta óner kórsetetin 20 jastaǵy qazaqstandyq boksshy Sadrıddın Ahmedov (1-0, 1 KO) Kvebek qalasynda (Kanada) Davıd Leme-Karım Ashýr arasyndaǵy jekpe-jek keshinde kezdesý ótkizdi, dep habarlaıdy Sports.kz.
Ol 34 jastaǵy argentınalyq Arıel Alehandro Sampedrıge (9-3, 7 KO) qarsy ótkizgen 4 raýndtan turatyn jekpe-jegin merziminen buryn aıaqtady. 84-shi sekýndta qarsylasynyń baýyr tusynan myqty soqqy bergen qazaqstandyq ony nokaýtqa jiberdi. Osylaısha Ahmedov kásibı rıngte ekinshi ret jeńiske jetti. Al onyń qarsylasy óziniń karerasynda osymen 4-shi ret jeńiliske ushyrap otyr.
Aıta keteıik, Sadrıddın 7 sáýir kúni meksıkalyq boksshy Tonı Barreraspen (1-2, 1 KO) shyqqan bolatyn. Qazaqstandyq qarsylasyn birinshi raýndtyń 31-shi sekýndynda nokaýtqa jiberdi. Osy jeńisten soń UCN tilshisi Live Raıan Skalııa qazaqstandyqtyń bolashaǵynyń zor ekendigin aıtty, al onyń áriptesi TVA Sports tilshisi Nıkolıa Martıno Sadrıddınniń esimin este ustaý qajettigin jetkizdi.
Kezekti kezdesýin Ahmedov 16 maýsymda Shavınıganada (Kanada) ótkizedi. Qarsylasy ázirge belgisiz.
