20 jastaǵy qazaqstandyq boksshy kásipqoı boksta úshinshi ret jeńiske jetti

NUR-SULTAN. QazAqparat - Demalys kúnderi Germanııanyń Mıýnhen qalasynda ótken kásipqoı boks keshinde jartylaı jeńil salmaqtaǵy qazaqstandyq boksshy Aleksandr Kovrıgın (3-0, 2 KO) jeńiske jetti, dep habarlaıdy QazAqparat Sports.kz resýrsyna silteme jasap.

Qazaqstandyq sportshynyń qarsylasy 26 jastaǵy tájirıbeli grýzııalyq boksshy Hvıcha Gıgolashvılı (17-47, 7 KO) edi.

Kezdesý alty raýndqa sozylyp, ádilqazylardyń ortaq sheshimimen Aleksandr Kovrıgınniń jeńisimen aıaqtaldy.

Osylaısha Aleksandr kásipqoı boks rıngindegi úshinshi jeńisine qol jetkizdi.

Aıta keteıik, 20 jastaǵy qazaqstandyq boksshynyń atalmysh saladaǵy joly osy jyldyń 13 aqpanynda Germanııanyń Eggenshtaın-Leopoldshafen qalasynda bastalǵan bolatyn.

Ol horvatııalyq Fılıp Potýrovıchti (0-3) jeńip, alǵashqy jeńisin toılady.

Arada bir apta ótkende, 20 aqpanda Kovrıgın rıngke qaıta oralyp, osy qalada Grýzııa sportshysy Mıshıko Shýbıtıdzeni (17-18-3, 8 KO) nokaýtqa jiberdi.