20 jastaǵy qaraǵandylyq Atyraýda sıntetıkalyq esirtki satyp kelgen
Oblystyq Polıtsııa departamentiniń baspasóz qyzmetinen málim etkendeı, 20 jastaǵy turǵyn sıntetıkalyq esirtkini jasyrý ádisimen satyp kelgen.
«Esirtki qylmysyna qarsy is-qımyl basqarmasynyń qyzmetkerleri jedel-izdestirý sharalary kezinde Atyraý qalasyndaǵy «Avangard» móltek aýdanynda sıntetıkalyq esirtkini asa iri kólemde jasyryn tyǵý ádisi arqyly satýmen aınalysatyn 2003 jyly týǵan kúdiktini ustady. Onyń Qaraǵandy oblysynyń turǵyny ekeni anyqtady. Tárkilengen esirtkige saraptama jasaldy. Saraptama qorytyndysyna sáıkes salmaǵy 6,2 gramm sıntetıkalyq esirtki ekeni belgili boldy», - dep habarlady vedomstvodan.
QR Qylmystyq kodeksiniń 297-baby 3-bóligimen sotqa deıingi tergep-tekserý amaldary júrgizilip jatyr.
«Ózge aqparat QR Qylmystyq-protsestik kodesiniń 201-babyna sáıkes jarııalaýǵa jatpaıdy. QR Konstıtýtsııasynyń 77-baby 3-tarmaǵynyń 1-tarmaqshasyna, Qylmystyq-protsestik kodeksiniń 19-baby 1-bóligine sáıkes adamnyń kináli ekeni zańdy kúshine engen sot úkimimen tanylǵansha, jasalǵan qylmysqa kináli emes dep esepteledi», - dep málim etti departamenttiń baspasóz qyzmetinen.
Sondaı-aq buǵan deıin Atyraýda esirtki tasymaldaǵan 30 jastaǵy kúdikti qamaýǵa alynǵanyn jazǵan bolatynbyz. Odan 4 dana polıtılen paketke oralǵan sıntetıkalyq esirtkige uqsas untaq pen tapansha tárkilendi. Onyń turaqty mekenjaıyn tintý kezinde polıtılen paketke salynǵan untaq pen as úıinen keptirilgen esirtki tektes ósimdik tabyldy.
