20 jastaǵy atyraýlyq álem ǵalymdary bas qatyrǵan esepti shyǵardy
ASTANA. QazAqparat -Atyraý oblysynyń 20 jastaǵy turǵyny Aqylbek Kópjasarov álem ǵalymdary osy ýaqytqa deıin jaýabyn tappaı kelgen - buryshtyń úshsektsııasy (trısektsııa) týraly esepti shyǵardy, dep habarlaıdy azh.kz.
Bul sheńberdiń kvadratýrasy men kýbtyń eki eselenýi týraly eseptermen qatar kóp ǵasyrlar boıy klassıkalyq sheshilmeıtin qurylymdyq oıjumbaq dep sanalyp keldi. Másele mynada, tsırkýldiń jáne syzǵyshtyń kómegimen berilgen buryshty teń úsh bólikke bólý kerek. Mundaı qurylymnyń múmkin emestigin, tipti, frantsýz matematıgi Per Loran Vantsel 1837 jyly dáleldegen.
Aqylbek esep týraly alǵash ret 15 jasynda matematıkadan fakýltatıvtik sabaq barysynda ustazynan estigen. Sodan beri ol ár bos ýaqytyn esep ústinde ótkizgen.
Bul kóne eseptiń sheshimi Eýropalyq matematıka odaǵynyń saıtynda usynylyp otyr.
Aqylbek eseptiń sheshimin tapqanyn túsingen kezde, Eýropa matematıka qoǵamyna dereý hat jazǵan. Eki aıdan keıin jaýap keldi. Joǵary komıssııa Aqylbek Kópjasarovty 2018 jyly kezekti Eýropalyq matematıkalyq kongress kezinde marapatqa usynbaq.
Jas jigit Abel syılyǵyn alǵysy keletindigin jasyrmaıdy. Bul matematıka boıynsha Nobel syılyǵyna para-par keledi, aqshalaı syılyq mólsheri 1 mln dollardan astam.
