20 jasóspirim alaıaqtarǵa aldanyp qaldy

ASTANA. KAZINFORM - Kámeletke tolmaǵan 20-dan astam azamat alaıaqtardan zardap shekti. Bul týraly Astana qalasynyń prokýratýra habarlady.

Alaıaq bank qosymshasy arqyly elorda turǵyndaryna aqshalaı kredıtterdi resimdeý josparyn ázirlegen.

Jábirlenýshilerdiń aqshalaryn treıdıngtik kompanııalarǵa ınvestıtsııalaıtynyn aıtyp, nesıeni ózi jabýǵa ýáde bergen. Sonymen qatar, jábirlenýshilerdi qaryz somasynyń 22%, sondaı-aq kelgen ár jańa klıent úshin 10% túrindegi syıaqy úlesin alatyndarymen aldaǵan.

Osylaısha, kámeletke tolmaǵan 20 jábirlenýshiniń 11 mln teńgeden astam aqshalaı qarajatyn jymqyrǵan.

Sotta memlekettik aıyptaýshy sottalýshynyń kinásin dáleldep, onyń jábirlenýshiler úshin tabys tabý nıeti bolmaǵanyn anyqtady.
Barlyq aqshalaı qarajatty óz qajettilikterine jumsaǵany sotta dáleldendi.
Sot úkimimen jábirlenýshilerge keltirilgen zalal tolyqtaı óndirilip kináli tulǵa sottaldy. 
Jábirlenýshilerdiń azamattyq talaptary qanaǵattandyryldy. 

Úkim zańdy kúshine endi.

Qala prokýrorlary turǵyndarǵa tez jáne úlken tabys ákeletin kúmándi mámilelerden bas tartýdy eskertedi, óıtkeni bul alaıaqtyq belgisi bolýy yqtımal.