20 jasqa tolmaǵandardyń «mıkrozaım» alýyn qıyndatatyn qujat ázirlenip jatyr

ASTANA. KAZINFORM — Qarjy naryǵyn retteý jáne damytý agenttiginiń basshysy Mádına Ábilqasymova Senat depýtatynyń saýalyna joldaǵan jaýapta 21-ge tolmaǵan adamdardyń neshe paıyzy shaǵyn nesıe uıymdaryna qaryz ekenin aıtty. 

 — Jaqyn arada № 215 qaýlymen jıyrma jasqa tolmaǵan qaryz alýshylardyń kirisin jumys ornynan kirister týraly anyqtama arqyly jáne oqý ornynan alynatyn stıpendııa mólsheri týraly anyqtama negizinde aıqyndaıtyn talap engiziledi. Osylaısha borysh júktemesiniń koeffıtsıentin esepteý kezinde tek resmı kiris kózderi eskeriledi. Bul sharalar 21-ge tolmaǵan jastar arasynda problemalyq boryshtardyń deńgeıin tómendetýge múmkindik beredi dep kútilýde, — dep jazylǵan agenttik jaýabynda.

Retteýshi organnyń málimetine qaraǵanda, Qazaqstanda 18-21 jas aralyǵyndaǵy 847 430 adam bar. Olardyń 136 239-y (16 paıyzy — red.) mıkroqarjy uıymdarynan qaryz alyp, tólep júr.

Sonyń ishinde 18 638 (13,7%) adamnyń bereshek tólemin 90 kúnnen astam keshiktirgen.

Buǵan deıin Almatydaǵy mıkroqarjy uıymy qaryz alýshylardan 3-5 ese artyq aqsha alyp kelgenin jazǵan edik.