20 jasar qazaqstandyq nokaýter Pakıaonyń seriktesimen sparrıng ótkizdi
ASTANA. QazAqparat - Qazaqstandyq nokaýter Sadrıddın Ahmedov (1-0, 1 KO) kanadalyq Gısleın Madýmamen (18-3, 11 KO) birge jattyqty, dep habarlaıdy QazAqparat Sports.kz silteme jasap.
«Búgin baýyrlas musylmanmen jaqsy sparrıng ótkizdim. Ol 2010-2013 jyldar aralyǵynda Mennı Pakıaonyń basty sparrıng-seriktesi bolǵan. Óte tájirıbeli. Onyń aty Gısleın Madýma», - dep jazdy Ahmedov Instagramda.
Eske sala ketsek, Sadrıddın alǵashqy kásipqoı rıngke 7 sáýirde Kvebekte (Kanada) shyqqan bolatyn. Ol birinshi raýndtyń 31-sekýndynda qarsylasy meksıkalyq Tonı Barrerasty (1-2, 1 KO) nokaýtqa jiberdi. Qazaqstandyq kelesi jekpe-jegin 16 maýsymda Kvebekte ótkizedi. Ázirge qarsylasy belgisiz.
