20% jaǵdaıda jumysshynyń eńbek qaýipsizdigi saqtalmaıdy – mınıstrlik

QR Eńbek jáne halyqty áleýmettik qorǵaý mınıstrligi kásiporyn jumysshylarynyń eńbek qaýipsizdigi tolyq saqtalmaıtynyn moıyndap otyr, dep habarlaıdy Kazinform. 

«Memlekettik baqylaý nátıjesi 20% eńbek qaýipsizdigi máselesine qatysty bolyp otyr. ıAǵnı problema –jumysshynyń eńbek qaýipsizdigi qamtamasyz etilmeýi. Kásiporyndarda bolǵan árbir qaıǵyly jaǵdaıdy arnaıy memlekettik komıssııa zerdeleıdi. Bıyl 17 tamyzda Qaraǵandy oblysyndaǵy ArselorMıttal kompanııasynyń shahtasynda jarylys bolyp, saldarynan 5 jumysshy qaıtys boldy», - dedi QR Eńbek jáne halyqty áleýmettik qorǵaý mınıstrligi eńbek jáne halyqty áleýmettik qorǵaý komıtetiniń tóraǵasy Tólegen Ospanqulov Ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, úkimettik komıssııa qaıǵyly oqıǵaǵa 100% jumys berýshi kináli dep tapqan. ArselorMıttal kompanııasynyń 27 laýazymdy tulǵasy eńbek qaýipsizdiginiń buzylýyna jol bergen.

«Komıssııa kásiporyndarda bolǵan tótenshe jaǵdaıdyń sebebin anyqtaý, boldyrmaý jáne aldyn alý maqsatynda 25 is-shara ázirledi», - deıdi ol.