20 turǵyny koronavırýs juqtyrǵan Tóńkeris aýyly karantınge jabyldy
Bul jóninde Óńirlik kommýnıkatsııalar qyzmetinde ótken brıfıngte oblystyq densaýlyq saqtaý basqarmasynyń basshysy Jaqsylyq Abdýsametov málim etti.
«Óńirde koronavırýs ınfektsııasyn juqtyrǵandar sany 54-ke jetti. Jańadan tirkelgen 13 naýqas - Shıeli aýdanynan. Anyqtalǵan naýqastardyń barlyǵy da karantındik baqylaýda bolǵan azamattar. Qazirgi tańda, Shıeli aýdanyna qarasty Tóńkeris aýyldyq okrýgi tolyq karantınge jabylyp, jappaı zalalsyzdandyrý jumystary júrgizilýde»,-dedi Jaqsylyq Ábilqasymuly.
Shıeli aýdany ákimdiginiń habarlaýynsha, qazir aýyldyq okrýgtiń kireberisine sanıtarlyq blok-beket qoıylǵan. Aýyl turǵyndary men kólik quraldarynyń júrip-turýy tolyǵymen shekteldi.
«Aýyl turǵyndaryna qajetti azyq-túlik qory men kúndelikti tutynatyn taýarlardyń jetkilikti bolýy úshin aýdan ortalyǵynan aýylǵa baǵasyn ósirmeı ákelip usyný uıymdastyrylýda. Koronavırýs ınfektsııasynan saqtaný joldaryna baılanysty únparaqtar taratylyp, árbir úıge túsindirý jumystary júrgizilýde. Qyzylorda qalalyq jáne Taraz qalalyq hımııalyq batalonnyń áskerı qyzmetkerleri arqyly 73 630 sharshy metr zalalsyzdandyryldy. Dezınfektsııalaý jumystary jalǵasýda», - dep habarlady aýdan ákimdigi.
7 sáýirdegi jaǵdaı boıynsha, aımaqta COVID-19 ınfektsııasyna shaldyqqan 54 adam bar. Onyń ishinde Qyzylorda qalasynda – 9 jaǵdaı, Jańaqorǵan aýdanynda – 16, Qarmaqshyda – 4, Shıelide – 24 jaǵdaı, Syrdarııa aýdanynda -1 jaǵdaı tirkeldi.
Tóńkeris aýyly ornalasqan Shıeli aýdanynda barlyǵy 24 adam dert juqtyrǵan. Onyń ishinde Shıeli kentinen - 3 adam, Ortaqshyl aýyldyq okrýginen - 1 adam jáne Tóńkeris aýyldyq okrýginen - 20 adam bar. Osyǵan oraı Ortaqshyl jáne Tóńkeris aýyldary karantınge jabylyp, aýdan boıynsha shekteý engizildi,