20 tonna tústi metaldy zańsyz alyp bara jatqan Reseı azamaty ustaldy
ASTANA. QazAqparat - Qazaq-Reseı shekarasynda salmaǵy 20 tonna tústi metall ótkizbek bolǵan reseılik azamat ustaldy, dep habarlady QR UQK Shekara qyzmetiniń Baspasóz qyzmetinen.
Batys Qazaqstan oblysyndaǵy «Jaısań» kólikti ótkizý-baqylaý beketiniń baqylaýshylary tústi metaldy shekaradan zańsyz ótkizbek bolǵan Reseı Federatsııasynyń azamatyn ustady, quımadan quıylyp, tsılındr túrinde jasalǵan zańsyz júktiń salmaǵy - 20 tonna.
Ony teksergende júkti alyp júrýge qajetti sertıfıkat pen lıtsenzııasy bolmaı shyqty. Al júktiń quny 40 000 000 tenge bolady. Qazirgi ýaqytta atalǵan derek boıynsha tekserý jumystary júrgizilýde.
