10:30, 11 Sáýir 2019 | GMT +6
20 tonna makýlatýrany shekaradan zańsyz alyp ótpek bolǵan júk kóligi ustaldy
TÚRKІSTAN. QazAqparat - 20 tonnaǵa jýyq makýlatýrany shekaradan zańsyz alyp ótpek bolǵan júk kóligi ustaldy, dep habarlaıdy QazAqparat QR UQK ShQ baspasóz qyzmeti.
«Saryaǵash» shekara otrıadynyń «Kaplanbek» bólimshesinde shekarashylar men keden qyzmetkerleri «Volvo» júk kóligimen Ózbekstanǵa qaraı ótpek bolǵan 1983 jylǵy Qazaqstan azamatyn ustady. Shekarashylar onyń avtokóliginen 19 950 keli makkýlatýra taýyp, Memlekettik shekara arqyly júk tasymaldaýdyń keden zańnamalaryn buzǵandyǵyn anyqtady», - delingen habarlamada.
Baspasóz qyzmetiniń málimetinshe, qazirgi ýaqytta qaǵazdyń quramy tekserilip jatyr.
