20 tamyzda Qazaqstanda aptap ystyq bolyp, shańdy daýyl turady
ASTANA. QazAqparat - 20 tamyzda respýblıkanyń basym bóliginde burynǵysha kún raıy ashyq bolyp, aptap ystyq saqtalady, qıyr soltústikte ǵana atmosferalyq aǵyndardyń ótýimen kún kúrkirep, ótkinshi jańbyr jaýady. Keı jerlerde jel kúsheıip, shańdy daýyl kóteriledi, respýblıkanyń soltústiginde keıbir jerlerde tuman túsýi kútiledi, dep habarlady «Qazgıdromet» RMK.
Jambyl, Qyzylorda, Batys Qazaqstan oblystarynda kúndiz keı jerlerde jel 15-21 m/s-qa deıin kúsheıip, shańdy daýyl kóteriledi.
Qostanaı oblysynda kúndiz keı jerlerde 18 m/s-qa deıin jel kúsheıedi.
Soltústik Qazaqstan oblysynda túnde jáne tańerteń keı jerlerde tuman túsedi.
Kúndiz Atyraý, Batys Qazaqstan, Aqtóbe, Qostanaı oblystarynda aptap ystyq saqtalady.
Jambyl, Mańǵystaý, Qaraǵandy oblystarynda, Aqmola, Ońtústik Qazaqstan, Qyzylorda, Shyǵys Qazaqstan oblystarynyń keı jerlerinde aptap ystyq saqtalady.
Respýblıkanyń ońtústiginde, batysynyń keı jerlerinde, soltústik-batysynda, shyǵysynda, ońtústik-shyǵysynda jáne ortalyǵynda óte joǵary órt qaýpi saqtalady.
Taıaýdaǵy táýlikterde respýblıkanyń ońtústigindegi, ońtústik-shyǵysyndaǵy jáne shyǵysyndaǵy taý ózenderinde sý deńgeıiniń qubylýy baıqalady.
