20 tamyz. Týǵan kún ıeleri

ESІMDER  

81 jyl buryn memleket jáne qoǵam qaıratkeri, Táýelsiz Qazaqstan Respýblıkasynyń tuńǵysh Premer-Mınıstri bolǵan  Uzaqbaı Qaramanuly Qaramanov dúnıege keldi.

Uzaqbaı Qaramanuly Qaramanov 1937 jyldyń 20 tamyzy kúni Qyzylorda oblysy Aral aýdanynyń Uıaly aýylynda dúnıege kelgen. QazSRO Mınıstrler Keńesiniń sońǵy tóraǵasy jáne QazSRO-nyń tuńǵysh Premer-Mınıstri. 1959 jyly Kýıbyshev (Samara) qalasyndaǵy ınjenerlik qurylys ınstıtýtyn bitirgen; 1959 - 64 jyldary Shubarqudyq avtobazasynda, «Qyzylorda qurylys» tresinde jumys istedi; 1964 - 80 jyldary «Almaty ónerkásip qurylysy» tresinde aǵa prorab, kombınat dırektory, Qazaqstan Kompartııasy OK-niń is basqarmasynyń qyzmetkeri, Jeńil jáne tamaq kásiporyndary qurylysy basqarmasynyń bastyǵy, Qazaq KSR aýyr ónerkásip mınıstrliginiń Almaty qurylys Bas basqarmasynyń jáne Qurylys ındýstrııasy Bas basqarmasynyń bastyǵy; 1980 - 84 jyldary Qazaq KSR jeńil ónerkásip mınıstrliginiń orynbasary, «Qazaqtyń sý tasqyndarynan qorǵaný qurylysy» Bas basqarmasynyń bastyǵy; 1984 - 89 jyldary Qazaq KSR qurylys mınıstrliginiń birinshi orynbasary, Qazaq KSR memlekettik jabdyqtaý komıtetiniń tóraǵasy qyzmetterin atqarǵan; 1989 - 90 jyldary Qazaq KSR Mınıstrler Keńesiniń tóraǵasy; 1990 - 92 jyldary Qazaq KSR premer-mınıstri boldy; 1991 jyldyń qazan aıynan - QR memlekettik keńesshisi; 1993 jyldyń sáýir aıynan - Araldy qutqarý Halyqaralyq qorynyń atqarýshy dırektory; 1994 jyldyń naýryz aıynan - depýtat, QR Joǵarǵy keńesi Tabıǵatty paıdalaný jáne ekologııa komıtetiniń tóraǵasy, «Qazaqstan halyqtyq kongresi» partııasynan usynylǵan; 1995 jyldyń sáýir aıynan - «Qazkontrakt» respýblıkalyq kelisimshart korporatsııasynyń vıtse-prezıdenti; 1998 jyldyń sáýir aıynan - «Qomaq-Invest» qarjylaı-kásipshilik tobynyń prezıdenti. Onymen bir mezgilde - QR Qurylysshylar odaǵynyń prezıdenti; 1999 jyldyń qazan aıynan - QR Parlamenti Májilisi 2-shi shaqyrylymynyń depýtaty (№37 Qyzylorda oblysynyń Aralmańy saılaý okrýginen, «Otan» RSP atynan). Aımaqtyq damytý jáne ekonomıkalyq qaıta qurý komıtetiniń múshesi; 2004 jyldyń qazan aıynan 2007 jylǵa deıin - QR Parlamenti Májilisi 3-shi shaqyrylymynyń depýtaty; QazKSR Joǵarǵy Keńesiniń 11-shi, 12-shi, 13-shi shaqyrylymdarynyń depýtaty; Qazaqstan Qurylysshylar odaǵynyń negizin salýshy. II dárejeli «Barys», Eńbek Qyzyl Tý ordenderimen; QazKSR Joǵarǵy Keńesiniń medaldarymen, Qazaqstan Respýblıkasynyń mereıtolyq medaldarymen, QazKSR Joǵarǵy Keńesiniń qurmet gramotalarymen marapattalǵan. KSRO Mınıstrler keńesi syılyǵynyń, Eýropa qorshaǵan ortany qorǵaý oblystyq «Altyn globýs» syılyǵynyń laýreaty. Qyzylorda oblysynyń Qurmetti azamaty.

2017 jyldyń 25 qyrkúıeginde ómirden ozdy.

80 jyl buryn (1938-2015) jazýshy, Qazaqstan Jazýshylar odaǵynyń múshesi, Qazaqstan Memlekettik syılyǵynyń laýreaty Orazbek SÁRSENBAI dúnıege keldi.

Qyzylorda oblysynyń Shıeli aýdanynda týǵan. Qazaq memlekettik ýnıversıtetiniń fılologııa fakýltetin bitirgen. 1966-1987 jyldary «Jas alash» gazetiniń, «Juldyz» jýrnalynyń ádebı qyzmetkeri, «Qazaq ádebıeti» gazetiniń bólim meńgerýshisi, Qazaqstan Jazýshylar odaǵynyń ádebı keńesshisi, «Jazýshy» baspasynyń bas redaktory, «Óner» baspasynyń dırektory qyzmetterin atqarǵan. 1996 jyldan - «Qaınar» baspasynyń dırektory. Qalamgerdiń «Dańq», «Jalǵyz kúrke», «Saǵym», «Tańbaly tas», «Baqyt qusy», «Jıde gúldegende», «Jaqsylyq kózi», «Zamandas», «Ýáde», «Tańdamaly», «Shamshyraq», «Meniń mekenim», «Ómirnama», «Sheńber», «Jaryq dúnıe» romandar, povester, óleńder men áńgimeler jınaqtary jaryq kórgen. Kórkem aýdarma salasynda V.Korolenko, V.Ivanov, F.Abramov, F.Iskanderdiń shyǵarmalaryn qazaq tiline tárjimalaǵan. Sondaı-aq «Quran Kárim», «Muhammed paıǵambarymyzdyń hadısteri», «Qasıetti duǵalar», «Adal men aram», «Musylmandyq ádep sabaǵy», «Muhtasar» kitaptaryn qazaq tiline aýdarýǵa qatysqan. Kóptegen shyǵarmalary shet el tilderine aýdarylǵan. «Dolana» áńgimesi jelisinde kórkem fılm túsirilgen.
«Qurmet» ordenimen marapattalǵan.

77 jasqa qaraǵan shaǵynda, 2015 jyldyń 5 mamyrynda dúnıe saldy.

66 jyl buryn(1952) QR Bilim jáne ǵylym mınıstrliginiń qosymsha bilim berýdiń respýblıkalyq oqytý-ádistemelik ortalyǵynyń dırektory ShER Raısa Petrovna dúnıege keldi.

Almaty qalasynda týǵan. Almaty shetel tilderi ınstıtýtyn bitirgen, nemis tili muǵalimi.
1973-1976 jyldary - orta mektepte nemis tili muǵalimi. 1976-1986 jyldary - Almaty oblystyq muǵalimderdiń bilimin jetildirý ınstıtýtynyń shetel tilderi kabınetiniń ádiskeri. 1986-1988 jyldary - Almaty oblystyq bilim basqarmasynyń, Almaty qalasy Áýezov aýdandyq bilim bóliminiń ınspektory. 1988-1992 jáne 1994-1995 jyldary - orta mektep dırektory.
1992-1994 jyldary - Áýezov aýdandyq atqarý komıteti tóraǵasynyń orynbasary. 1995 jyly QR Parlamenti Májilisiniń depýtaty bolyp saılandy, QR Prezıdenti janyndaǵy otbasy, áıelder isi jáne demografııalyq saıasat jónindegi keńes múshesi, BUU ókildigi janyndaǵy «Áıelder jáne damý» genderlik bıýrosynyń tóraıymy boldy.\2009 - 2014 jj QR Bilim jáne ǵylym mınıstrliginiń Balalar quqyǵyn qorǵaý komıtetiniń tóraıymy.

2014 jyldan beri qazirgi qyzmetinde.

65 jyl buryn(1953) medıtsına ǵylymynyń doktory, professor, Qazaqstan Ulttyq ǵylymı akademııasynyń akademıgi, Gambýrg medıtsına jáne profılaktıka akademııasynyń, Polsha Medıtsına akademııasynyń akademıgi, densaýlyq saqtaý isiniń úzdigi, táýelsiz «Tarlan» syılyǵynyń ıegeri Talǵat Áshiruly MOMYNOV dúnıege keldi.
Shymkent qalasynda týǵan. Almaty memlekettik medıtsına ınstıtýtyn bitirgen. 1984-1994 jyldary Almaty dárigerlerdiń bilimin jetildirý ınstıtýtynyń assıstenti, kafedra meńgerýshisi. 1994-1995 jyldary - Qazaqstan Respýblıkasy Densaýlyq saqtaý mınıstrliginiń basqarma bastyǵy. 1995-2008 jyldary S.Asfendııarov atyndaǵy Qazaq ulttyq medıtsına ýnıversıtetiniń rektory bolǵan. Ǵalymnyń 200-den astam ǵylymı eńbegi, onyń ishinde 10 monografııasy, 2 oqýlyǵy, sonymen qatar oryssha-qazaqsha aǵylshyn-qazaqsha medıtsınalyq sózdikteri bar. Halyqaralyq týberkýlez ben ókpe aýrýlaryna karsy kúres odaǵynyń múshesi, Qazaqstan Ftızıatrlar qaýymdastyǵynyń prezıdenti.

«Qurmet» ordenimen, Polsha Medıtsına akademııasynyń Albert Shveıtser atyndaǵy «Gýmanızm jáne medıtsına ǵylymynyń damýyna qosqan úlesi úshin» Altyn medalimen marapattalǵan.

64 jyl buryn (1954)  Qazaqstan Respýblıkasy Ádilet mınıstriliginiń Sot saraptamasy ortalyǵynyń dırektory BORChAShVILI Isıdor Shamılovıch dúenıege kelgen.

Grýzııanyń Ahmet aýdanynda týǵan. 1980 jyly KSRO ІІM B.Beısenov atyndaǵy Qaraǵandy joǵary mektebin zańger mamandyǵy boıynsha bitirgen.

1984 jyly KSRO ІІM BǴZI (Máskeý q.) adıýnktýrasyn bitiredi.

Eńbek joly: 1972-1976 jyldary Keńes armııasy qatarynda qyzmet atqardy, keńsharda jumysshy, Pavlodar qalasynda mılıtsıoner boldy.

1984 jyldan bastap QR ІІM B.Beısenov at. Qaraǵandy joǵary mektebiniń qylmystyq quqyq jáne krımınologııa kafedrasynyń oqytýshysy, aǵa oqytýshysy, dotsenti bolyp jumys istedi.

1992-2009  jyldary QR ІІM B.Beısenov at. Qaraǵandy zań ınstıtýtynyń qylmystyq quqyq jáne krımınologııa kafedrasynyń bastyǵy boldy.

2009-2012 jyldar aralyǵynda QR ІІM B.Beısenov atyndaǵy Qaraǵandy akademııasy bastyǵynyń orynbasary.

2012-2013 jyldary QR ÁM Strategııalyq josparlaý jáne uıymdastyrý-taldaý jumysy departamentiniń dırektory.

2013 jyldan beri «Qazaqstan Respýblıkasy Ádilet mınıstrligi Sot saraptamasy ortalyǵynyń dırektory bolyp qyzmet atqarady.

61 jyl buryn (1959) Shyǵys Qazaqstan oblysy Zaısan aýdanynyń ákimi Temirbek Jumaqululy QASYMJANOV dúnıege keldi.
Shyǵys Qazaqstan oblysynda týǵan. Tomsk ınjenerlik-qurylys ınstıtýtyn ınjener-qurylysshy mamandyǵy boıynsha bitirgen.

59 jyl buryn (1959) Soltústik Qazaqstan oblysy Mamlıýt aýdanynyń ákimi Serik Bolatuly BAKEEV dúnıege kelgen.

Soltústik Qazaqstan oblysynda týǵan. 1982 jyly Petropavl pelagogıkalyq ınstıtýtyn matematıka muǵalimi, 2004 jyly Ortalyq Azııa ýnıversıtetin zańger mamandyqtary boıynsha támamadaǵan.

59 jyl buryn (1959) tarıh ǵylymynyń doktory, professor  Jambyl Omaruly ARTYQBAEV dúnıege keldi.
Qaraǵandy oblysynda týǵan. Qaraǵandy memlekettik ýnıversıtetin bitirgen. Qaraǵandy memlekettik ýnıversıtetiniń oqytýshysy, aǵa oqytýshysy, dotsenti, professory, kafedra meńgerýshisi, tarıh fakýltetiniń dekany, zerthana meńgerýshisi qyzmetterin atqarǵan. 2003 jyldan bastap Pavlodar memlekettik ýnıversıtetiniń arheologııa, etnologııa jáne Qazaqstan tarıhy kafedrasynyń meńgerýshisi bolyp istegen.

Qazaqstan Respýblıkasy Bilim jáne ǵylym mınıstrliginiń «L.N. Gýmılev atyndaǵy Eýrazııa ulttyq ýnıversıteti» respýblıkalyq memlekettik kásipornynyń professory, tarıh ǵylymdarynyń doktory.

53 jyl buryn (1965) Jambyl oblysy ákiminiń orynbasary Qalıjan Serikuly ÁBDІRAIYMOV dúnıege keldi.

1965 jyly týǵan, bilimi joǵary. 1988 jyly Almaty halyq sharýashylyǵy ınstıtýtyn ekonomıst mamandyǵy boıynsha bitirgen. Ár jyldary Qazaqstan Respýblıkasy Ekonomıka, energetıka, ındýstrııa jáne saýda mınıstrlikterinde, Qurylys jumysy komıteti tóraǵasynyń orynbasary qyzmetterin atqarǵan.

2004-2008 jyldary Aqtóbe oblysy ákiminiń apparat basshysy, Aqtóbe oblysy ákiminiń orynbasary bolǵan.

2008-2010 jyldary Qazaqstan Respýblıkasy Prezıdenti Ákimshiligi Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory;

2010-2011 jyldary Aqmola oblysy ákiminiń orynbasary qyzmetin atqardy. 2011-2014 jyldary  «Qazaqstandyq turǵyn úı qurylys korporatsııasy» aktsıonerlik qoǵamy dırektorlar keńesiniń tóraǵasy qyzmetin atqaryp keldi.

2014 jyldyń shilde aıynan bastap qazirgi qyzmetinde.

53 jyl buryn (1965) Qazaqstannyń memleket jáne qoǵam qaıratkeri,«Atameken» QR UKP prezıdıýmy janyndaǵy aqparattyq-kommýnıkatsııalyq tehnologııalar, bilim jáne ınnovatsııa komıtetiniń tóraǵasy Murat Abdýlamıtuly ÁBENOV dúnıege keldi.

Ol Qyzylorda oblysynda dúnıege kelgen. Abaı atyndaǵy qazaq pedagogıkalyq ınstıtýtynyń matematıka jáne ınformatıka fakýltetiniń (1990) «Matematıka jáne ınformatıka» pánderiniń muǵalimi mamandyǵyn bitirgen.

Qazaq gýmanıtarlyq-zań ýnıversıtetiniń quqyqtaný fakýltetin (2002) zańger mamandyǵy boıynsha bitirgen.

1990 jyldan - S. Seıfýllın atyndaǵy №4 OM ınformatıka jáne esepteý tehnıkasynyń muǵalimi.

1991 jyldyń maýsym aıynan - Qyzylorda qalalyq bilim basqarmasynyń kadrlar jáne negizgi is-áreket boıynsha ınspektory.

1991 jyldyń qyrkúıek aıynan - 1 Mamyr atyndaǵy №1 qazaq mektep-lıtseıi dırektorynyń oqý-tárbıelik is boıynsha orynbasary (Qyzylorda qalasy).

1992 jyldan - Qyzylorda qalalyq ákimdiginiń qoǵamdyq pikirdi boljaý jáne baspasóz bóliminiń bas mamany. 1993 jyldan - «Atameken» JShS-de kommertsııalyq is-áreket boıynsha dırektordyń orynbasary (Apmaty qalasy). 1999 jyldan - Qyzylorda oblysy ákimi apparatynyń uıymdastyrýshylyq-baqylaý bóliminiń keńesshisi. 2000 jyldan - Qyzylorda oblysynyń memlekettik qyzmet isteri boıynsha basqarma agenttiginiń bastyǵy.

2002 jyldan - Qyzylorda oblysy ishki saıasat departamentiniń dırektory. 2005 jyldan - Qyzylorda oblysy ákiminiń orynbasary. 2007 jyldyń aqpan aıynan tamyz aıyna deıin - Qyzylorda oblysy ákimi apparatynyń jetekshisi.

2007 jyldyń qyrkúıek aıynan - QR Parlamenti Májilisi 4-shi shaqyrylymynyń «Nur Otan» HDP tizimi boıynsha depýtaty, QR Parlamenti Májilisinde «Nur Otan» HDP fraktsııasynyń Azamattyq baılanystar jáne azamattyq qoǵam ınstıtýttary boıynsha keńesiniń múshesi. Ekonomıkalyq reforma jáne óńirlik damý komıtetiniń hatshysy.

2012 jyldyń qarashasynan Qazaqstan Respýblıkasynyń Bilim jáne ǵylym vıtse-mınıstri boldy. «Qazaqstan» telearnasynda «Serpilis», 24.kz telearnasynda «Murat Ábenovpen ashyq áńgime» atty avtorlyq baǵdarlamasyn júrgizdi. 2013-2016 jyldary - «Órleý» biliktilikti arttyrý ulttyq ortalyǵy» AQ dırektorlar keńesiniń tóraǵasy.

2016-2017 jyldary «Atameken» QR UKP basqarma tóraǵasynyń orynbasary.

2017 jyldyń qańtar aıynan bastap qazirgi qyzmetinde.

53 jyl buryn (1965) - Qazaqstan Respýblıkasynyń respýblıkalyq bıýdjetiniń atqkarylýyn baqylaý jónindegi esep komıteti apparatynyń basshysy Qalıjan Serikuly ÁBDІRAIYMOV dúnıege kelgen.

Jambyl oblysynyń Qarataý aýdanynda týǵan. 1988 jyly Almaty halyq sharýashylyǵy ınstıtýtyn ekonomıst mamandyǵy boıynsha bitirgen. Ár jyldary Qazaqstan Respýblıkasy Ekonomıka, energetıka, ındýstrııa jáne saýda mınıstrlikterinde, Qurylys jumysy komıteti tóraǵasynyń orynbasary qyzmetterin atqarǵan.

2004-2008 jyldary Aqtóbe oblysy ákiminiń apparat basshysy, Aqtóbe oblysy ákiminiń orynbasary bolǵan. 2008-2010 jyldary Qazaqstan Respýblıkasy Prezıdenti Ákimshiligi Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory; 2010-2011 jyldary Aqmola oblysy ákiminiń orynbasary qyzmetin atqardy.

2011-2014 jyldar aralyǵynda «Qazaqstandyq turǵyn úı qurylys korporatsııasy» aktsıonerlik qoǵamy dırektorlar keńesiniń tóraǵasy qyzmetin atqaryp keldi.

2014 jyly Jambyl oblysy ákiminiń orynbasary bolyp taǵaıyndaldy.

50 jyl buryn (1968) «Astana EKSPO-2017» UK» AQ basqarma tóraǵasynyń orynbasary Erbol Álimqululy ShORMANOV dúnıege keldi.

Almaty halyq sharýashylyǵy ınstıtýtyn bitirgen.

1992-1993 jyldary - «Almaty» kedendik beketiniń jolaýshylar bóliminiń ınspektory. 1993 jyly - «ALEMSYSTEM» qarjy-ınvestıtsııalyq korporatsııasynyń saýda jónindegi menedjeri.1993-1997 jyldary - «Astana» kedeniniń ınspektor-kınology, aǵa ınspektory, jolaýshylar bóliminiń bas ınspektory.

1997-1998 jyldary - Jambyl oblysy boıynsha keden basqarmasynyń bastyǵy. 2003-2005 jyldary - Qazaqstannyń Investıtsııalyq qorynyń basqarma múshesi. 1999 jyly - QR Memlekettik kiris mınıstrligi Keden komıtetiniń Batys Qazaqstan oblysy boıynsha Keden basqarmasy bastyǵynyń orynbasary.

1999-2000 jyldary - QR Memlekettik kiris mınıstrligi Keden komıtetiniń Soltústik Qazaqstan oblysy boıynsha Keden basqarmasy bastyǵynyń orynbasary.

2002-2004 jyldary - Almaty oblysy boıynsha Keden basqarmasy bastyǵynyń orynbasary, birinshi orynbasary. 2004-2005 jyldary - QR Qarjy mınıstrliginiń Kedendik baqylaý komıtetiniń «Baıqońyr» kedeniniń bastyǵy. 2005-2008 jyldary - Almaty qalasy kásipkerlik jáne ónerkásip departamenti dırektorynyń mindetin atqarýshy, dırektory. 2008-2009 jyldary - Almaty qalasy ákimi apparatynyń jetekshisi.

2009 jylǵy aqpannan - Almaty qalasy ákiminiń orynbasary.

2015 jylǵy tamyzdan - «Astana EKSPO-2017» Ulttyq kompanııasy» AQ basqarma tóraǵasynyń orynbasary.

47 jyl buryn (1971) Petropavl qalasynyń ákimi Marat Imanbaıuly TASMAǴANBETOV dúnıege keldi.

Marat Imanbaıuly Tasmaǵanbetov 1971 jyly týǵan, ǵalym-agronom, ekonomıst mamandyqtary boıynsha Kókshetaý aýyl sharýashylyǵy ınstıtýtyn, Almaty ekonomıka jáne statıstıka ınstıtýtyn tamamdaǵan.

Eńbek jolyn «Prıvalnoe» keńsharynda brıgadır esepshisi bolyp bastady.

«Zapodnoe» keńsharynda agronom, agronom-tuqym ósirýshi, bas agronomy; Kókshetaý oblysynda «Batys Qazaqstan» JShS dırektory, Ǵabıt Músirepov atyndaǵy aýdanda «Vest» JShS dırektory bolyp jumys istegen.

2014 jylǵa deıin Ǵabıt Músirepov atyndaǵy aýdannyń ákimi bolyp qyzmet etti.

2014 jyldan bastap qazirgi qyzmetinde.

«Qurmet» ordeniniń ıegeri.

40 jyl buryn (1978) QR Ulttyq qaýipsizdik komıteti tóraǵasynyń birinshi orynbasary Samat Satybaldyuly ÁBІSh dúnıege keldi.

Almaty oblysynda dúnıege kelgen. QR Ulttyq Qaýipsizdik Komıteti men RF Syrtqy barlaý qyzmeti akademııalaryn bitirgen. 2000-2006 jyldary - QR UQK organldarynda ofıtserlik quramyndaǵy qyzmette boldy. 2006-2008 jj.- QR Ádilet mınıstrligi Tirkeý qyzmeti komıteti tóraǵasynyń orynbasary, tóraǵasy. 2008-20010 jj.- QR Ádilet mınıstrliginiń jaýapty hatshysy. 2010-2013 jj. - QR UQK Kadrlar departamentiniń bastyǵy Astana boıynsha departamentiniń bastyǵy. 2013-2015 jj. - QR UQK tóraǵasynyń orynbasary.

Qazirgi qyzmetinde - 2015 jylǵy jeltoqsannan beri.  

74 jyl buryn (1944-1991) 1984-1989 jyldardaǵy Úndistannyń Premer-Mınıstri GANDI Radjıv dúnıege keldi.
Bombeıde týǵan. Onyń atasy Djavaharlal Nerý 1947-1964 jyldary Úndistannyń premer-mınıstri bolsa, anasy Indıra Gandı de 1966-1977 jáne 1980-1984 jyldary osy laýazymdy ıelengen bolatyn. R.Gandı Londondaǵy Imperıal kolledjde, Kembrıdj ýnıversıtetiniń Trınıtı kolledjinde bilim alǵan. Úndistanǵa oralǵannan keıin «Indıan eırýeız» kompanııasynda jumys istegen. Al inisi Sandjaı Indıra Gandıdiń basty saıası kómekshisi jáne Jastar kongresiniń kóshbasshysy bolatyn. Saıasatqa aralasýǵa nıeti joq Radjıv inisi Sandjaı áýe apatynan qaıtys bolǵannan keıin I.Gandıdiń ótinishimen baýyrynyń parlamenttegi jáne jastar kongresindegi ornyn basady. 1984 jylǵy maýsymdaǵy Amrıtsardaǵy áskerı áreketter úshin sıkhter Indıra Gandıdi sol jyly 31 qazanda óltiredi de Mınıstrler kabıneti Radjıv Gandıdi premerlikke saılaıdy. Birneshe kúnniń ishinde ındýstar myńdaǵan sıkhti óltiredi de Radjıv tártipti qalpyna keltirý úshin eriksiz ásker kúshine júginedi. Sol jyly jalpy saılaý ótip, tómengi palatanynyń 80 paıyzyn ıelengen Úndistan ulttyq kongresi jeńiske jetedi.
R.Gandı Úndistanǵa keletin shet el taýarlaryna kóptegen shekteýlerdi alyp tastap, 1986-1990 jyldary el ekonomıkasynyń ósýine múmkindik berdi. 1989 jyly qarashada ótken saılaýda depýtattyq ornyn saqtaǵanymen, parlamenttegi odaqtastarynyń azaıýyna baılanysty Premer-Mınıstrlikten bas tartýǵa májbúr boldy.