20 tamyz. Kazinform kúntizbesi. Tulǵalar týǵan kún

ESІMDER

67 jyl buryn (1959) jazýshy, etnolog, pedagog, professor, tarıh ǵylymdarynyń doktory Jambyl Omaruly ARTYQBAEV dúnıege keldi.

Qaraǵandy oblysynda týǵan. Qaraǵandy ​​polıtehnıkalyq ınstıtýtyn (1979), Qaraǵandy ​​memlekettik ýnıversıtetiniń tarıh fakýltetin (1984), Sh. Ýálıhanov atyndaǵy Tarıh, arheologııa jáne etnografııa ınstıtýty (qazirgi Sh. Ýálıhanov atyndaǵy Tarıh jáne etnologııa ınstıtýty) janyndaǵy aspırantýrany (1989) bitirgen.

Eńbek joly: Qaraǵandy memlekettik ýnıversıtetiniń oqytýshysy, aǵa oqytýshysy, dotsenti, professory, kafedra meńgerýshisi, tarıh fakýltetiniń dekany, Qaraǵandy memlekettik ýnıversıtetiniń zerthana meńgerýshisi, Pavlodar memlekettik ýnıversıtetiniń arheologııa, etnologııa jáne Qazaqstan tarıhy kafedrasynyń meńgerýshisi; L. N. Gýmılev atyndaǵy Eýrazııa ulttyq ýnıversıtetiniń professory. L. N. Gýmılev atyndaǵy EUÝ. 2012 jyly «JOO úzdik oqytýshysy» ataǵynyń ıegeri.

Eńbek joly: 1990-1997 jyldary QarMÝ Qazaqstan tarıhy kafedrasynyń oqytýshysy, aǵa oqytýshysy, dotsenti, professory, 1997-2000 jyldary E.A. Bóketov atyndaǵy QarMÝ Arheologııa, etnologııa jáne Qazaqstan tarıhy kafedrasynyń meńgerýshisi, 2000-2001 jyldary E.A. Bóketov atyndaǵy QarMÝ tarıh fakýltetiniń dekany, zerthana meńgerýshisi, 2003-2008 jyldary S. Toraıǵyrov atyndaǵy Pavlodar memlekettik ýnıversıtetiniń H.Arǵynbaev atyndaǵy ESA ǵylymı-praktıkalyq ortalyǵynyń Qazaqstan arheologııa, etnologııa jáne tarıhy kafedrasynyń meńgerýshisi, dırektorynyń mindetin atqarýshy, 2008-2009 jyldary QR BǴM ǴK Memleket tarıhy ınstıtýty dırektorynyń orynbasary (Astana q.) laýazymyn atqarǵan. 2009 jyldan bastap — L. N. Gýmılev atyndaǵy Eýrazııa ulttyq ýnıversıtetiniń Arheologııa jáne etnologııa kafedrasynyń professory, «Eýrazııa» ǵylymı-zertteý ortalyǵynyń aǵa ǵylymı qyzmetkeri.

61 jyl buryn (1965) qoǵam qaıratkeri Murat Abdýlamıtuly ÁBENOV dúnıege keldi.

Ol Qyzylorda oblysynda týǵan. 1990 jyly Abaı atyndaǵy qazaq pedagogıkalyq ınstıtýtynyń matematıka jáne ınformatıka fakýltetiniń «Matematıka jáne ınformatıka» pánderiniń muǵalimi mamandyǵyn bitirgen. 2002 jyly Qazaq gýmanıtarlyq-zań ýnıversıtetiniń quqyqtaný fakýltetin zańger mamandyǵy boıynsha bitirgen.

Eńbek joly: 1990-1991 jyldary S. Seıfýllın atyndaǵy № 4 orta mektepte ınformatıka jáne esepteý tehnıkasynyń muǵalimi, 1991 jyly Qyzylorda qalalyq bilim basqarmasynyń kadrlar jáne negizgi is-áreket boıynsha ınspektory, 1991-1992 jyldary 1 Mamyr atyndaǵy № 1 qazaq mektep-lıtseıi dırektorynyń oqý-tárbıelik is boıynsha orynbasary (Qyzylorda qalasy), 1992 Qyzylorda qalalyq ákimdiginiń qoǵamdyq pikirdi boljaý jáne baspasóz bóliminiń bas mamany, 1993-1998 jyldary «Atameken» JShS-de kommertsııalyq is-áreket boıynsha dırektordyń orynbasary (Apmaty qalasy), 1999-2000 jyldary Qyzylorda oblysy ákimi apparatynyń uıymdastyrýshylyq-baqylaý bóliminiń keńesshisi qyzmetinde boldy. 2000-2002 jyldary Memlekettik qyzmet isteri agenttiginiń Qyzylorda oblysy boıynsha basqarma bastyǵy, 2002-2005 jyldary Qyzylorda oblysy ishki saıasat departamentiniń dırektory, 2005-2007 jyldary Qyzylorda oblysy ákiminiń orynbasary, 2007 jyly Qyzylorda oblysy ákimi apparatynyń jetekshisi, 2007-2011 jyldary QR Parlamenti Májilisi 4-shi shaqyrylymynyń «Nur Otan» HDP tizimi boıynsha depýtaty, QR Parlamenti Májilisinde «Nur Otan» HDP fraktsııasynyń Azamattyq baılanystar jáne azamattyq qoǵam ınstıtýttary boıynsha keńesiniń múshesi. Ekonomıkalyq reforma jáne óńirlik damý komıtetiniń hatshysy. 2012 jyldyń qarashasynan Qazaqstan Respýblıkasynyń Bilim jáne ǵylym vıtse-mınıstri boldy. «Qazaqstan» telearnasynda «Serpilis», 24.kz telearnasynda «Murat Ábenovpen ashyq áńgime» atty avtorlyq baǵdarlamasyn júrgizdi. 2013-2016 jyldary «Órleý» biliktilikti arttyrý ulttyq ortalyǵy» AQ dırektorlar keńesiniń tóraǵasy, 2016-2017 jyldary «Atameken» QR UKP basqarma tóraǵasynyń orynbasary, 2017-2018 jyldary «Atameken» QR UKP prezıdıýmy janyndaǵy aqparattyq-kommýnıkatsııalyq tehnologııalar, bilim jáne ınnovatsııa komıtetiniń tóraǵasy, Prezıdentiniń janyndaǵy ulttyq qoǵamdyq senim keńesiniń múshesi, 2018 jyly «Serpin» Ulttyq bilim jáne ınnovatsııalar palatasynyń prezıdenti laýazymyn atqarǵan. 2022-2023 jyldary QR Densaýlyq saqtaý mınıstriniń keńesshisi, 2023-2026 jyldary VIII shaqyrylymdaǵy QR Parlamenti Májilisiniń depýtaty boldy.

55 jyl buryn (1971) Soltústik Qazaqstan oblysy ákiminiń birinshi orynbasary Marat Imanbaıuly TASMAǴANBETOV dúnıege keldi.

Kókshetaý oblysynda (qazirgi Soltústik Qazaqstan oblysy) týǵan. Kókshetaý aýyl sharýashylyǵy ınstıtýtyn, Almaty ekonomıka jáne statıstıka ınstıtýtyn ǵalym-agronom, ekonomıst mamandyqtary boıynsha támamdaǵan.

Eńbek jolyn «Prıvalnoe» keńsharynda brıgadır esepshisi bolyp bastady. 1994-1998 jyldary «Zapodnoe» keńsharynda agronom, agronom-tuqym ósirýshi, keńshardyń bas agronomy, 1998-2000 jyldary Kókshetaý oblysynda «Batys Qazaqstan» JShS dırektory, 2000-2006 jyldary «VEST» JShS dırektory, 2006-2014 jyldary Ǵ.Músirepov atyndaǵy aýdannyń ákimi, 2014-2019 jyldary Petropavl qalasynyń ákimi laýazymyn atqarǵan.

Qazirgi qyzmetin 2019 jyldyń naýryz aıynan bastap atqaryp keledi.

«Qurmet», «Parasat» ordenderiniń ıegeri.

46 jyl buryn (1980) Shyǵys Qazaqstan oblystyq máslıhatynyń tóraǵasy Denıs Sergeevıch RYPAKOV dúnıege keldi.

Almaty qalasynda týǵan. 2001 jyly Qazaq sport jáne týrızm akademııasyn «Dene shynyqtyrý muǵalimi» mamandyǵy boıynsha bitirgen.

Eńbek joly: 2001-2005 jyldary «Qazaqstan Respýblıkasynyń shtattyq qurama komandalary jáne sporttyq rezerv dırektsııasy» bóliminiń nusqaýshysy, 2005-2007 jyldary Ulttyq qaýipsizdik komıteti áskerı ınstıtýtynyń qyzmetkeri, 2007 jyly «Ǵajaıyp jumysshy» TOO jarnama agenttigi dırektorynyń orynbasary, 2007-2013 jyldary «Qazaqstan Respýblıkasynyń shtattyq qurama komandalary jáne sporttyq rezerv dırektsııasy» jattyqtyrýshy-oqytýshysy, 2013-2019 jyldary Shyǵys Qazaqstan oblysy dene shynyqtyrý jáne sport basqarmasynyń «Shyǵys Qazaqstan oblystyq jeńil atletıkadan olımpıadalyq rezervtiń mamandandyrylǵan mektebi» KMM dırektory, 2019-2021 jyldary «Shyǵys Qazaqstan oblysynyń dene shynyqtyrý jáne sport basqarmasy» memlekettik mekemesiniń basshysy, 2021-2023 jyldary Shyǵys Qazaqstan oblystyq máslıhatynyń hatshysy laýazymyn atqarǵan.

2023 jyldyń naýryz aıynan bastap qazirgi qyzmetinde.

43 jyl buryn (1983) Qostanaı oblysy bilim basqarmasynyń basşysy Ardaq Qurmashuly BEGATAROV dúnıege keldi.

Shyǵys Qazaqstan oblysynyń týmasy. 2005 jyly Semeı memlekettik pedagogıkalyq ınstıtýtyn, 2008 jyly Semeı memlekettik pedagogıkalyq ınstıtýtyn bitirgen.

Eńbek jolyn 2005 jyly Semeı qalasyndaǵy «Qaınar» kolledjinde tarıh pániniń oqytýshysy retinde bastaǵan. Atalǵan bilim berý uıymynda ártúrli laýazymdardy atqaryp, bilim berý jáne basqarý salasynda mol tájirıbe jınaqtaǵan. 2011-2013 jyldary QR Bilim jáne ǵylym mınıstrliginiń «Tehnıkalyq jáne kásiptik bilim berýdi damytý jáne biliktilikti berý jónindegi respýblıkalyq ǵylymı-ádistemelik ortalyǵy» ShJQ RMK-de qyzmet atqarǵan. 2013-2016 jyldary QR Bilim jáne ǵylym mınıstrliginiń Tehnıkalyq jáne kásiptik bilim berý departamentinde bas sarapshy boldy, 2016-2017 jyldary «Nazarbaev Zııatkerlik mektepteri» derbes bilim berý uıymynyń Pedagogıkalyq ólshemder ortalyǵy fılıalynda eńbek etken. 2017-2021 jyldary QR Mádenıet jáne sport mınıstrliginiń Bilim berý, ǵylymı qyzmet jáne halyqaralyq yntymaqtastyq departamentinde birqatar basshylyq qyzmetterdi atqarǵan. 2021-2024 jyldary «Talap» KEAQ WorldSkills qozǵalysyn damytý baǵytyndaǵy jumystarǵa jetekshilik etken. 2024-2026 jyldary Qostanaı oblysy ákimdigi Bilim basqarmasy basshysynyń orynbasary qyzmetin atqardy.

Qazirgi laýazymyna 2026 jylǵy maýsymda taǵaıyndaldy.