20 shilde. Týǵan kún ıeleri
20 shilde, JUMA
ESІMDER
89 jyl buryn (1929-1997) kompozıtor, professor, Qazaqstannyń halyq ártisi, Qazaq KSR-niń eńbek sińirgen óner qaıratkeri BYChKOV Anatolıı Vladımırovıch dúnıege keldi.
Bychkov Pavlodar oblysynda týǵan. Almaty konservatorııasyn (qazirgi Qazaq ulttyq konservatorııasy) bitirgen. 1955-1962 jyldary Almaty mýzykalyq ýchılışesinde, 1962-1968 jyldary Almaty konservatorııasynda pedagogıkalyq qyzmetpen aınalysty. 1968-1973 jyldary Qazaqstan Kompozıtorlar odaǵy basqarmasy tóraǵasynyń orynbasary qyzmetin atqardy.
A.Bychkovtyń «Dala araıy» operasy, «Sáken týraly ańyz» sımfonııalyq poemasy, «Aqyn áni», «Soǵys ánderi», «Joqtaý» atty sımfonııalyq orkestrge arnalǵan vokaldyq jáne hor tsıklderi, án-romanstary, taǵy basqa mýzykalyq shyǵarmalary bar. Ol «Bul bizdiń ulymyz», «Tynyshtyq», «Ana týraly ańyz», «Botagóz», t.b. kınofılmderdiń mýzykasyn jazǵan.
72 jyl buryn (1946) QR Parlamenti Májilisiniń burynǵy depýtaty MYRZAHMETOV Shalataı dúnıege keldi.
Ońtústik Qazaqstan oblysynyń Sháýildir aýylynda týǵan. Qazaq hımııa - tehnologııalyq ınstıtýtyn bitirgen (1968). 1992 jyly Qazaqstan menedjment, ekonomıkalyq boljam ınstıtýtyn (KMEBI) aıaqtady. 1962-1963 jyldary - Qyzylkum aýdany Arys keńsharynyń traktorshysy. 1968-1971 jyldary - Aqtóbe oblysy Baıǵanın aýdany Abaı atyndaǵy sovhozynyń qurylys sheberi, tseh bastyǵy. 1971-1976 jyldary - Shymkent oblysy Qyzylkum aýdandyq aýyl sharýashylyǵy basqarmasynyń bas qurylys ınjeneri. 1976-1981 jyldary - Qyzylkum aýdany Sháýildir aýylynda PMK-2507 bastyǵy. 1981-1988 jyldary - halyq depýtattary Qyzylqum aýdandyq Keńesi atqarý komıteti tóraǵasynyń orynbasary. 1988-1992 jyldary - halyq depýtattary Sozaq aýdandyq Keńesi atqarý komıtetiniń tóraǵasy. 1992-2000 jyldary - Ońtústik Qazaqstan oblysy boıynsha «Jibek joly» ámbebap taýar bırjasy basqarmasynyń prezıdenti. 2000-2003 jyldary - Ontústik Qazaqstan oblysy Otyrar aýdanynyń ákimi. 2003-2007 jyldary - Ońtústik Qazaqstan oblystyq máslıhatynyń depýtaty, hatshysy. 2007-2016 jyldary - tórtinshi jáne besinshi saılanǵan Qazaqstan Respýblıkasy Parlamenti Májilisiniń depýtaty.
«Qurmet» ordenimen, «Za trýdovye otlıchııa», «Eńbektegi úzdiktigi úshin», «Eren eńbegi úshin», «Astana» medaldarymen marapattalǵan.
67 jyl buryn (1951) QR Parlamenti Májilisiniń depýtaty MÝRADOV Ahmet Seıdarahmanovıch dúnıege keldi.
Qostanaı oblysy Uzynkól aýdany Ershovka selosynda týǵan. 1974 j. Groznyı munaı ınstıtýtynyń munaı óńdeý fakýltetin bitirgen.
1974-1977 jyldary - Groznyı munaı ınstıtýtynyń BLKJO komıteti hatshysynyń orynbasary, hatshysy, sheshen-ıngýsh respýblıkalyq stýdenttik qurylys otrıady komandıriniń orynbasary. 1977-1993 jyldary - «Mańǵyshlaqmunaı» óndiristik birlestiginiń Jetibaı burǵylaý jumystary basqarmasynda burǵyshynyń kómekshisi, burǵyshy, burǵylaý sheberiniń kómekshisi, burǵylaý sheberi, ınjener-tehnolog, bastyqtyń orynbasary, aýdandyq ınjenerlik-tehnologııalyq qyzmetiniń basshysy, Qumkól tereń burǵylaý ekspedıtsııasynyń basshysy, bastyqtyń orynbasary, Jetibaı burǵylaý jumystary basqarmasy partkomynyń hatshysy. 1992 jyly - Halyqtyq kelisim keńesi tóraǵasynyń orynbasary. 1993-1995 jyldary - Aqtaý qalasyndaǵy «Mekke» kommertsııalyq ortalyǵy Mańǵystaý fılıalynyń dırektory. 1995-1997 jyldary - Almaty qalasyndaǵy «Rosneft» munaı kompanııasy ókildiginiń basshysy. 1997 jyldan bastap osy ýaqytqa deıin «Vaınah» sheshen jáne ıngýsh halqynyń mádenıetin damytý qaýymdastyǵynyń teń tóraǵasy, Qazaqstan halqy Assambleıasy Keńesiniń múshesi.
2012 jylǵy qańtardan bastap, besinshi jáne altynshy saılanǵan Qazaqstan Respýblıkasy Parlamenti Májilisiniń depýtaty, Qazaqstan halqy Assambleıasynan saılanǵan.
Merekelik medaldarmen, «Qurmet» ordenimen marapattalǵan.
59 jyl buryn (1959) Mańǵystaý oblysynan saılanǵan Qazaqstan Respýblıkasy Parlamenti Senatynyń depýtaty, Qarjy jáne bıýdjet komıtetiniń múshesi ShELPEKOV Baqtybaı Aqberdiuly dúnıege keldi.
Munaı tehnıkýmyn, Almaty halyq sharýashylyǵy ınstıtýtyn bitirgen. Tehnık-munaıshy, ekonomıst.
Mańǵystaý oblysy ákimshiliginiń oblystyq saýda basqarmasynyń bastyǵy, «Fırma Aqqý» JShS dırektory, Mańǵystaý oblysy máslıhatynyń 2-4 shaqyrylymynyń hatshysy bolyp qyzmet atqarǵan.
«Qurmet» ordenimen, eki medalmen, sonyń ishinde «Eren eńbegi úshin» medalimen marapattalǵan.
46 jyl buryn (1972) teatr jáne kıno akteri POGOSıAN Sergeı Razmıkovıch dúnıege keldi.
Almatyda týǵan. Almaty Aýyl sharýashylyǵy ınstıtýtyn (ekonomıst); T.Júrgenov atyndaǵy Qazaq memlekettik teatr jáne kıno ınstıtýtyn bitirdi.
15 jyldaı M.ıÝ. Lermontov atyndaǵy akademııalyq orys teatrynda qyzmet etti.
Qazaqstan Respýblıkasynyń Memlekettik syılyǵynyń laýreaty, «Jyl tańdaýy» konkýrsynda «Altyn adam» syılyǵyna ıe boldy.
42 jyl buryn (1976) Qazaqstan Respýblıkasy Bilim jáne ǵylym mınıstrliginiń jaýapty hatshysy ÓRSARIEV Aryn Amangeldiuly dúnıege keldi.
Almatyda týǵan.
Ál-Farabı atyndaǵy Qazaq memlekettik ulttyq ýnıversıtetin halyqaralyq qatynastar mamandyǵy (eki shet tilinde) boıynshy támamdady. «Bolashaq» baǵdarlamasymen Sorbonna (Parıj) ýnıversıtetin dıplomatııa jáne strategııa magıstri mamandyǵy boıynsha bitirdi. Saıası ǵylymdar doktory.
Eńbek jolyn Qazaqstan Respýblıkasy Syrtqy ister mınıstrliginiń Dıplomatııalyq akademııasynyń muǵalimi, joǵary sanattaǵy maman bolyp bastap, keıin QR Syrtqy ister mınıstrliginiń ekinshi hatshysy qyzmetin atqarady. Ər jyldary Qaýipsizdik keńesi hatshylyǵy saraptama ortalyǵynyń aǵa sarapshysy, ishki saıasat bóliminiń aǵa sarapshysy, bas sarapshysy, Qazaqstan Respýblıkasy Prezıdenti Ákimshiligi Іshki saıasat basqarmasynyń Aqparattyq-taldaý ortalyǵy sektorynyń meńgerýshisi; Astana qalasynyń ishki saıasat departamentiniń dırektory, Qazaqstan Respýblıkasy Mádenıet jáne aqparat mınıstrliginiń taldaý jáne strategııalyq josparlaý departamentiniń dırektory; Qazaqstan Respýblıkasy Memlekettik qyzmet isteri agenttigi tóraǵasynyń orynbasary, tóaraǵasy mindetin atqarýshy; Qazaqstan Respýblıkasy Prezıdenti janyndaǵy Memlekettik basqarý akademııasynyń rektory qyzmetterin atqarǵan.
Qazirgi qyzmetinde 2017 jyldyń sáýir aıynan beri.
«Qazaqstan Parlamentine 10 jyl» (2006), «Astananyń 10 jyldyǵy» (2008). Medaldarymen marapattalǵan.
714 jyl buryn (1304-1374) ıtalıandyq aqyn, qaıta órleý dáýiriniń gýmanıstik mádenıetiniń negizin salýshy Franchesko PETRARKA dúnıege keldi.
Francheskonyń lırıkalyq týyndylary eýropalyq poezııanyń damýyna zor áser etti. Latyn tilinde jazylǵan «Dúnıeniń keleńsizdigi týraly» fılosofııalyq traktatynda, «Urpaqqa hat» atty ómirbaıandyq shyǵarmasynda izgilikti jaqtap, áıelder teńdigin madaqtady. Onyń shyǵarmashylyǵynda mahabbat lırıkasy erekshe oryn aldy. «Madonna Laýranyń ómirine», «Madonna Laýranyń ólimine» atty 2 bólimnen turatyn týyndysy 317 sonetten jáne kóptegen balladalyq, madrıgaldyq shyǵarmalardan quralǵan. Ol Dante, Dj.Bokkachomen birge ıtalıan ádebı tiliniń negizin saldy. Onyń esimimen Merkýrııdegi krater atalady.
128 jyl buryn (1890-1964) ıtalıandyq keskindemeshi jáne grafık Djordjo MORANDI dúnıege keldi.
98 jyl buryn (1919-2008) jańazelandııalyq alpınıst, 1953 jyly Everest shyńyn alǵash baǵyndyrýshy Edmýnd HILLARI dúnıege keldi.
Ol Jańa Zelandııanyń Oklend qalasynda týǵan. Ekinshi dúnıejúzilik soǵys jyldarynda áskerı ushqysh boldy. 1951 jyly Erık Shıptonnyń Everestke uıymdastyrǵan ekspedıtsııasyna qatysty, biraq shyńdy baǵyndyrý joryǵy sátsiz aıaqtaldy. 1953 jyly nepaldyq alpınıstpen birge Everest shyńyn baǵyndyrdy. Ol 1980 jyly Jańa Zelandııanyń Úndistandaǵy elshisi qyzmetin atqardy. Hılları saıahat jasaýmen qatar ómiriniń biraz bóligin taýly óńirde qonystanǵan nepaldyqtarǵa kómek kórsetýge arnady. 2003 jyly Nepaldyń qurmetti azamaty atandy.