20 shilde kúni elimizde aýa raıynyń turaqsyzdyǵy saqtalady - Qazgıdromet
ASTANA. QazAqparat - 20 shilde kúni elimizde aýa raıynyń turaqsyzdyǵy saqtalady, dep habarlaıdy QR TJM baspasóz qyzmeti «Qazgıdrometke» silteme jasap. Soltústik óńirde jańbyr jaýady. Keı aımaqtarynda naızaǵaı oınap, burshaq jaýýy múmkin. Al ońtústik, shyǵys, ońtústik-shyǵys pen batys aımaqtarda aýa raıy jaýyn-shashynsyz .
Aqmola, Aqtóbe, Qostanaı, Pavlodar, Qaraǵandy oblystarynda naızaǵaı oınap, jeldiń ekpini 15-20 m/s-qa deıin kúsheıedi. Qyzylorda, Batys Qazaqstan, Jambyl, Mańǵystaý, Atyraý oblystarynyń keı jerlerinde jel kúsheıip, ekpini 15-20 m/s-qa deıin barady. Shyǵys Qazaqstanda naızaǵaı oınaıdy. Kúndiz Almaty, Shyǵys Qazaqstan, Jambyl, Qaraǵandy oblystarynda qatty ystyq bolady dep kútilýde. Ońtústik jáne batys óńirlerde joǵarǵy órt qaýpi saqtalady.
