20 sekýndtaǵy jeńis: Qazaqstannyń MMA sheberi qarsylasyn nokaýtqa túsirdi
ALMATY. QazAqparat – Aralas jekpe-jek sheberi qazaqstandyq Baýyrjan Qalmurzaev reseılik faıter Konstantın Cherednıchenkoǵa (15-19) qarsy aıqas ótkizdi, dep habarlaıdy QazAqparat Sports.kz-ke silteme jasap.
Almatyda ótken Octagon 39 týrnırinde B.Qalmurzaev K.Cherednıchenkony jekpe-jektiń alǵashqy 20-sekýndynda nokaýtqa jiberdi. Qazaqstandyq sportshy qarsylasyn torǵa tirep, oǵan soqqylardy qarsha boratty.
Solaısha Baýyrjan Qalmurzaev kásipqoı mansabynda tórtinshi jeńisine qol jetkizdi. Ol birde-bir ret jeńilip kórgen emes.
Octagon 39 týrnıriniń basty jekpe-jegi qazaqstandyq Azat Maqsum (15-0) men brazılııalyq Fabrısıo Nýnes (8-0) arasynda ótedi.
