20 sáýirde BQO-ǵa Orynbor oblysynan kólemdi sý kelýi múmkin
ASTANA. KAZINFORM – «Reseıdiń Orynbor oblysynan bastaý alǵan kólemdi sý Batys Qazaqstan oblysyna 20 sáýirde keledi dep boljanyp otyr. Bul týraly oblys ákiminiń baspasóz qyzmetiniń basshysy Erhan Tátken aıtty.
«Reseıdiń Orynbor oblysynan bastaý alǵan kólemdi sý Batys Qazaqstan oblysyna 20 sáýirde keledi dep boljanyp otyr. Osyǵan oraı sý tasqynynyń aldyn alýǵa baǵyttalǵan jumystar kúsheıtildi. Jaıyq ózeniniń boıynda ornalasqan eldi mekenderde Aqjaıyq, Bórili, Báıterek, Terekti aýdandary men Oral qalasynda jalpy uzyndyǵy 102 km jýyq bóget turǵyzyldy, - dedi spıker Ortalyq kommýnıkatsııalar qyzmetinde.
Sý tasqyny bastalǵaly beri óńirde 13 794 adam evakýatsııalandy, onyń ishinde 6 myńǵa jýyq bala bar.
Oblystan jáne basqa aımaqtardan sý tasqynyna qarsy is-sharalarǵa barlyǵy 10 myńnan astam adam, 2074 tehnıka, onyń ishinde 1265 arnaıy tehnıka jumyldyryldy.
