20 paıyz ShQO turǵyndaryna tumaýǵa qarsy vaktsına salynbaq
ÓSKEMEN. QazAqparat – Shyǵys Qazaqstan oblysynda tumaýǵa qarsy qosymsha 150 myń dozadan astam vaktsına jetkiziledi, dep habarlaıdy QazAqparat tilshisi.
ShQO Densaýlyq saqtaý basqarmasynyń ókili Asqar Horoshashtyń aıtýynsha, alǵashqy medıtsınalyq-sanıtarlyq kómek kórsetý mekemeleri halyqty tumaýǵa qarsy vaktsınatsııalaý jumystaryn júrgizýde. Jospar boıynsha óńir jurtshylyǵynyń 20%-na vaktsına salynbaq.
Tumaýǵa qarsy vaktsınanyń qoldanystaǵy 110 894 dozasyna qosymsha taǵy 152 myń doza jetkizý kózdelip otyr. Bul vaktsınalar jeltoqsan aıynda keledi dep kútilýde. Osynyń nátıjesinde qaýipti toptaǵy azamattardyń ımmýnıteti qalyptasyp, aýrýdyń taraýy báseńdeıdi», - dep túsindirdi Asqar Horoshash.
Onyń aıtýynsha, oblys turǵyndaryn vaktsınatsııalaý 15 qyrkúıekte bastalǵan. Sol ýaqyttan beri 94 940 adamǵa vaktsına salyndy.
Esterińizge sala ketsek, osyǵan deıin Shyǵys Qazaqstanda jańa týǵan 14 náresteden koronavırýs tabylǵany habarlanǵan.
