20 naýryzda elimizdiń birqatar aımaǵynda jel kúsheıip, jaýyn-shashyn bolady - Qazgıdromet
ASTANA. QazAqparat - Búgin el aýmaǵynyń basym bóliginde atmosferalyq frontaldy bólikterdiń ótýine baılanysty jel kúsheıip, jaýyn-shashyn bolyp, al keıbir aýdandarda tuman, kóktaıǵaq saqtalady, dep habarlaıdy QR TJM «Qazgıdrometke» silteme jasap.
Aqmola, Pavlodar, Soltústik Qazaqstan oblystarynda jel kúsheıip, sekýndyna 17-22, keı jerlerde 30 metrge deıin jetedi. Keıbir aýdandarynda boran soǵyp, tuman túsip, kóktaıǵaq bolady. Jambyl jáne Shyǵys Qazaqstan oblystarynyń keıbir jerlerine tuman túsip, kóktaıǵaq bolyp, jeldiń kúshi sekýndyna 15-21, t.nde 23-28 metrge deıin barady. Qostanaı oblysynda jel kúsheıip, 15-20, al keıbir aýmaǵynda 23-28 m/s deıin jetedi.
Batys Qazaqstan, Aqtóbe oblysynyń keıbir aýdandarynda burqasyn, kóktaıǵaq, jaýyn-shashyn bolady dep kútilýde. Al Qaraǵandy oblysynda jel 15-23 m/s deıin kúsheıip, túnde óńirdiń keıbir jerine tuman túsip, kóktaıǵaq bolady dep boljanýda. Ońtústik Qazaqstan oblysynda tuman bolady dep kútilýde. Sondaı-aq Atyraý oblysynda jel 15-22 m/s deıin kúsheıse, Mańǵystaý oblysynda jeldiń kúshi sekýndyna 15-20 metrge deıin jetip, shańdy daýyl bolady degen boljam bar. Al Qyzylorda oblysynyń keıbir aýdandaryna tuman túsedi.
