20 naýryz kúni Qazaqstanda ótetin mańyzdy oqıǵalarǵa sholý

ASTANA

10.00-de Úkimettiń kezekti otyrysy ótedi. Kún tártibi boıynsha 2016-2019 jyldarǵa arnalǵan "Densaýlyq" memlekettik baǵdarlamasynyń ótken jylǵy qorytyndysy, 2017-2021 jyldarǵa arnalǵan Qazaqstannyń agroónerkásip keshenin damytý baǵdarlamasynyń 2017 jylǵy nátıjesi, sondaı-aq bıylǵy kóktemgi egiske daıyndyq máselesi qaralady.

10.00-de Beıbitshilik jáne kelisim saraıynda Túrki akademııasynyń uıymdastyrýymen "Áz Naýryz"atty merekelik shara uıymdastyrylady.

11.00-de Astana ákimdiginde sý tasqynyna qarsy sharalar men tótenshe qyzmetterdiń daıyndyǵyna arnalǵan baspasóz máslıxaty bastalady. Sharaǵa departament ókilderi qatysady.

11.00-de QR Ulttyq ekonomıka mınıstrligine qarasty Ekonomıkalyq zertteýler ınstıtýtynda (Ekonomıka úıinde) Prezıdenttiń bes áleýmettik bastamasyna arnalǵan "dóńgelek ústel" uıymdastyrylady. 

12.20-da Ortalyq kommýnıkatsııalar qyzmetinde "QazAqparat" HAA jumys qorytyndysy men aldaǵy josparlaryna arnalǵan baspasóz máslıxaty ótedi.

15.00-de Ortalyq kommýnıkatsııalar qyzmetinde QR Prezıdentiniń Joldaýy aıasynda resýrstardy utymdy paıdalaný máselesine arnalǵan baspasóz máslıxaty uıymdastyrylady.

ALMATY

09:00-de S.Asfendııarov atyndaǵy Qazaq ulttyq medıtsınalyq ýnıversıtetinde týberkýlezge qarsy kúres kúnine arnalǵan ǵylymı-praktıkalyq konferentsııa ótedi.

10:00-de Almaty qyzmet kórsetý kolledjinde "100 qaıyrymdy is" jobasy aıasynda birqatar sharalar ótedi. Sonyń ishinde balalar kórmesi, memlekettik qyzmetter kórmesi, kontsert jáne taǵy basqa sharalar bar. Uıymdastyrýshy - "Jastarǵa jol" qoǵamdyq qory.

11.00-de QR Bilim jáne ǵylym mınıstrliginiń Ortalyq ǵylymı kitapxanasynda QR Prezıdenti N.Nazarbaevtyń "Táýelsizdik dáýiri" kitabyn talqylaýǵa arnalǵan "dóńgelek ústel" ótedi.

11.00-de Halyk Bank-te atalǵan qarjy uıymynyń ótken jylǵy jumysyna arnalǵan baspasóz máslıxaty uıymdastyrylady.

ShYǴYS QAZAQSTAN OBLYSY

10.00-de Shyǵys Qazaqstan gýmanıtarlyq kolledjinde "Jan jylýy" aktsııasy aıasynda "Úmit" balalar úıiniń baldyrǵandaryna arnalǵan qaıyrymdylyq sharasy ótedi. 

11.00-de Abaı aýdanyndaǵy Qaraýyl aýylynda balalar men jastar arasyndaǵy asyq atýdan jarystar uıymdastyrylady.

11.00-de Óskemen qalasyndaǵy Óńirlik kommýnıkatsııalar qyzmetinde kásipkerlik pen ónerkásip salasynda atqarylǵan jumys boıynsha baspasóz máslıxaty ótedi. Sharaǵa kásipkerlik pen ındýstrıaldy-ınnovatsııalyq damý basqarmasynyń basshysy Maqsat Músápirbekov, "Damý" kásipkerlikti damytý qory" AQ men «Kazakh Invest» kompanııasynyń ókilderi qatysady.

11.00-de oblystyq drama teatrynda alqa májilisi ótedi. Otyrys barysynda mádenıet pen muraǵat salasynda atqarylǵan jumystar men kelesi jyldyń jospary, oblystyń týrıstik klasterin damytý, qasıetti jerlerdiń tizimi qaralady.

12.00-de Shyǵys Qazaqstan oblysy ákimdiginiń otyrysy bastalady. Kún tártibinde - aýyl sharýashylyǵy kooperatsııasyn damytý.

SOLTÚSTІK QAZAQSTAN OBLYSY

11.00-de M.Qozybaev atyndaǵy Soltústik Qazaqstan memlekettik ýnıversıtetinde «Ata salty - urpaqqa mura» atty shara ótedi.

11.00-de "Abylaı xan ordasy" mýzeı kesheninde teatrlandyrylǵan qoıylymdar uıymdastyrylady.

10.00-de Balalar men jasóspirimderge arnalǵan sport mektebinde grek-rım kúresinen qalalyq jarys bastalady.

14.30-da  «Delfın» basseıninde júzýden Petropavl chempıonaty ótedi.

OŃTÚSTІK QAZAQSTAN OBLYSY

12:00-de Óńirlik kommýnıkatsııalar qyzmetinde Ońtústik Qazaqstan oblystyq orman sharýashylyǵy jáne janýarlar dúnıesi aýmaqtyq ınspektsııasynyń basshysy M.Aıazov baspasóz máslıxatyn ótkizedi. Inspektsııa basshysy bıylǵy jyldyń josparlary men maýsymdyq ań aýlaýǵa tyıym salý jaıynda aıtyp beredi.

14:30-da Ońtústik Qazaqstan oblysy boıynsha Qazaqstan xalqy Assambleıasynyń ǵımaratynda «OQO turǵyndarynyń densaýlyǵyn saqtaý, nyǵaıtý saıasatyn iske asyrý» forýmy ótedi. Atalǵan sharaǵa oblys ákimi Janseıit Túımebaev pen Qazaq tamaqtaný akademııasynyń prezıdenti, akademık Tóregeldi Sharmanov qatysady.