20 naýryzda barlyq mektepte ulttyq kúı bir mezette oınaıdy

ASTANA. KAZINFORM – Naýryz meıramyna arnalǵan respýblıkalyq chellendj 20 naýryz kúni saǵat 12:00-de ótedi. Bul týraly QR Oqý-aǵartý mınıstrliginiń baspasóz qyzmeti málimdedi.

Shara óskeleń urpaqtyń boıynda rýhanı-adamgershilik qundylyqtar men patrıottyq sezimderdi qalyptastyrýǵa, eldiń mádenı murasyn jalǵastyrýǵa, balalar arasynda dombyrada oınaýdy nasıhattaýǵa baǵyttalǵan.

«Dombyrashylar chellendjiniń maqsaty – balalar men jastardyń, muǵalimder men ata-analardyń mýzykadaǵy shyǵarmashylyq jetistikterin kórsetý jáne dombyrany dáripteý. Sharaǵa barlyq nıet bildirýshiler qatysa alady. Bul chellendj byltyr alǵash ret ótti. Dombyranyń kúmbirlegen úni bir ýaqytta barlyq bilim berý uıymdarynda oınady. Bul elimizdiń mádenı ómiri úshin eleýli oqıǵa. Sharalar «Birtutas tárbıe» baǵdarlamasy aıasynda ótkiziledi», – deıdi tárbıe jumysy jáne qosymsha bilim berý departamentiniń dırektory Merýert Medetbekova.

Bıyl Naýryz meıramy elimizdiń barlyq jalpy bilim beretin mektepterinde 14-23 naýryz aralyǵynda ótedi. Osy kúnderi taqyryptyq chellendjder, jalpyulttyq ekologııalyq aktsııa jáne ulttyq oıyndardan túrli jarystar uıymdastyrylady.