20 myńnan astam aýyl turǵyny «Jumyspen qamtý jol kartasy-2020» baǵdarlamasyna qatysýǵa nıet bildirdi
4343 qazaqstandyq - «Jumyspen qamtý jol kartasy-2020» baǵdarlamasynyń, 362 azamat - «Órleý» jobasynyń qatysýshysy boldy, dep habarlanǵan mınıstrliktiń saıtynda.
Jalpy atalǵan merzimde 188 aýdan (453 kent) qamtyldy. «Jumyspen qamtý jol kartasy-2020» baǵdarlamasyna qatysýǵa azamattar eń kóp nıet bildirgen Ońtústik Qazaqstan oblysynda ótinish bildirgen 6982 adamnyń 2218-i qatysýshy boldy. Almaty oblysynda 1743 azamattyń 465-i, Mańǵystaý oblysynda - 1122, Shyǵys Qazaqstan oblysynda - 970, Astana qalasynda - 635 adam baǵdarlamaǵa qatysýshy boldy. Keıbir óńirlerde kentterdi qamtý kólemi jospardan asa oryndaldy. Aıtalyq, Ońtústik Qazaqstan oblysynda mobıldik toptar qosymsha 4 aýyldy, Mańǵystaý oblysynda - 49, Shyǵys Qazaqstan oblysynda - 51, Atyraý oblysynda - 20, Qaraǵandy oblysynda - 49, Pavlodar oblysynda - 27 aýyldy aralady. «Órleý» baǵdarlamasyna qatysýǵa nıet bildirgender sany eń kóp bolǵan Shyǵys Qazaqstan oblysynda 4460 azamattyń 208-i qatysýshyǵa aınaldy. Buǵan deıin habarlanǵandaı, jalpy Qazaqstan boıynsha quramyna 441 qyzmetker engen 178 mobıldik top quryldy. Alǵashynda jumyssyzdyq deńgeıi joǵary, ózderin nátıjesiz jumyspen qamtyǵandar jáne turmysy tómen turǵyndary kóp, sondaı-aq «Jumyspen qamtý jol kartasy-2020» baǵdarlamasyna qatysý deńgeıi tómen 181 aýdannyń 404 aýylyn qamtý josparlandy. Mobıldik toptardyń jumysy 2015 jyldyń sońyna deıin jalǵasady.
