20 mln teńge qaryzy bar shymkenttik júrgizýshiniń kóligi aıypturaqqa qoıyldy

ShYMKENT. KAZINFORM - «Qorǵaý» qosymshasy mıllıondaǵan qaryzyn tóleýden jaltaryp júrgen júrgizýshini anyqtady

Qala kóshelerin patrýldeý kezinde polk ınspektorlary «Hyundai Tucson» kóligin toqtatqan. Avtokólik ıesiniń atqarýshylyq is júrgizý boıynsha 20 mıllıon 345 myń teńge qaryzy bar ekendigin «qorǵaý» qosymshasy anyqtaǵan. 

Tártip saqshylary júrgizýshige tólemder týraly eskertip, kólikti aıypturaqqa qoıdy.

Polıtsııa departamentiniń baspasóz qyzmeti usynǵan aqparatqa súıensek, qala turǵyny qaryzyn ótegennen keıin ǵana avtokóligin qaıta ala alady.