20 myńnan asa doza: Jambyl oblysynda iri esirtki tasymaly arnasy toqtatyldy
ASTANA. KAZINFORM — Jambyl oblysynda «Merke — Shý — Býrylbaıtal» tasjolynyń 122-shaqyrymynda polıtsııa qyzmetkerleri taksı jolaýshysyn ustady, onyń zattarynan shamamen 10 keli esirtki tabyldy, dep habarlaıdy Kazinform agenttiginiń tilshisi.
Polıtsııa qyzmetkerleri Shý qalasynyń 55 jastaǵy turǵyny basqarǵan Volkswagen Golf markaly avtokólikti toqtatty. Ol jeke tasymal qyzmetimen aınalysqan.
Tintý barysynda jolaýshylardyń biriniń sómkesinen jalpy salmaǵy 9 keli 707 gramm gashısh salynǵan paket tabyldy.
— Polıtsııa qyzmetkerleriniń ýaqtyly jáne úılesimdi áreketteriniń arqasynda asa iri kólemdegi esirtki partııasyn taratý áreketiniń joly kesildi jáne shamamen 20 myń bir rettik doza esirtkiniń taralýynyń aldyn alyndy, — dep atap ótti Jambyl oblysy Polıtsııa departamenti bastyǵynyń orynbasary Maqsat Qanapıaev.
Atalǵan derek boıynsha Qazaqstan Respýblıkasynyń Qylmystyq kodeksiniń 297-baby 3-bóligi (Esirtki quraldaryn asa iri mólsherde zańsyz daıyndaý, óńdeý, satyp alý, saqtaý, tasymaldaý, ótkizý maqsatynda) boıynsha sotqa deıingi tergeý bastaldy.
Kúdikti ustalyp, ýaqytsha ustaý ızolıatoryna qamaýǵa alyndy. Eger onyń kinási dáleldense, oǵan múlkin tárkileı otyryp, 7 jyldan 12 jylǵa deıin bas bostandyǵynan aıyrý jazasy taǵaıyndalýy múmkin.
Buǵan deıin Jambyl oblysynda enesiniń atyna nesıe rásimdegen kelin sottalǵanyn jazdyq.
