12:18, 16 Qarasha 2023 | GMT +5
20 mıllıonynshy bolyp týǵan bes balanyń biri 20-shy aımaqta ómirge keldi
Ulytaý oblysynyń Jezqazǵan qalasynda Qazaqstannyń 20 mıllıonynshy azamaty dúnıege keldi. Náresteniń esimi Tomırıs, dep habarlaıdy Kazinform agenttiginiń tilshisi.
Elimizdiń sanyn 20 mıllıonǵa jetkizgen nárestelerdiń biri keshe 14 qarasha kúni saǵat 08:10-da dúnıege keldi. Sábıdiń esimi – Aqylbek Tomırıs Suńǵatqyzy. Bul Suńǵat Seıitjan men Áıgerim Moldashevanyń tuńǵyshy.
Ata-anany oblys jáne qala basshylyǵy quttyqtady.
Bul kúni Jezqazǵanda taǵy 10 bala dúnıege keldi. Qala ákimdiginen barlyq jańa týǵan nárestelerge syılyqtar tabys etiledi.
