20 metrlik muzdy apannan óz kúshimen shyqty
ASTANA. QazAqparat - AQSh zertteýshisi 20 metrlik muzdy apanǵa qulap, odan óz kúshimen shyǵyp qana qoımaı, birneshe saǵatqa sozylǵan mashaqatyn beınetaspaǵa túsirgen.
Qabyrǵalary men bir qoly synǵan ol Nepal taýlaryndaǵy klımattyq ózgeristi zerttep júrgen. Beti-aýzy qanǵa boıalǵan Djon Ell muz shatqalmen joǵary órlep, 6 saǵat ishinde jer betine shyqqan. Professor lagerge jetkennen keıin de, qutqarýshylardyń tikushaǵyn 17 saǵat kútti. Jany siri ǵalymnyń qursaýly muzdyń arasynda jaraly qalypta túsirgen beınejazbasy ǵalamtorda tez taralyp, kópshilikti tańdaı qaqtyrdy, dep jazady 24.kz.
