20 maýsymda marafonǵa baılanysty Almaty joldarynyń bir bóligi jabylady
ALMATY. QazAqparat - Almaty jartylaı marafonynyń uıymdastyrý komıteti jarys ótetin kúni joldardyń ishinara jabylatynyn málim etti, dep habarlaıdy QazAqparat tilshisi.
20 maýsymda Almaty jartylaı marafony ótkiziletin ýaqytta saǵat 00:00-den 12:30-ǵa deıin jartylaı marafonnyń júgirý qashyqtyǵy ótetin jerlerde joldardaǵy qozǵalys ishinara jabylady.
Jartylaı marafon Tuńǵysh Prezıdent saıabaǵynan bastalady.
Ál-Farabı dańǵylynyń soltústik jaǵynda Mustafın kóshesinen Nazarbaev kóshesine deıingi jol bóliginde tańǵy saǵat 07:00-den 12:00-ge deıin jabyq bolady.
Ál-Farabı dańǵylynyń boıynda Shashkın kóshesinen bastap Nazarbaev kóshesine deıingi qozǵalys saǵat 03:00-den 11:30-ǵa deıin jabylady. Ál-Farabı dańǵylynyń ońtústik jaǵy avtokólik qozǵalysy úshin ashyq bolady.
Ál-Farabı dańǵylynyń boıynda Naýaı kóshesinen bastap Rozybaqıev kóshesine deıingi qozǵalys saǵat 06:30-dan 08:00-ge deıin jabyq bolady. Barlyq qozǵalys jolaqtary tolyq jabylady.
Saın kóshesi ál-Farabı dańǵylynan bastap Abaı dańǵylyna deıin saǵat 07:00-den 12:00-ge deıin jabylady. Batys jaǵy avtokólik qozǵalysy úshin ashyq bolady.
Seıfýllın dańǵylynyń boıynda ál-Farabı dańǵylynan Abaı dańǵylyna deıingi qozǵalys saǵat 07:00-den 12:30-ǵa deıin jabyq bolady. Barlyq qozǵalys jolaqtary tolyq jabylady.
Abaı dańǵyly Saın kóshesinen Seıfýllın dańǵylyna deıin saǵat 07:20-dan 12:30-ǵa deıin jabyq bolady.
Soltústik jaǵy avtokólik qozǵalysy úshin ashyq bolady.
