20 mamyrda Qazaqstannyń basym bóliginde aýa raıy jaýyn-shashynsyz bolady
ASTANA. QazAqparat - Búgin Qazaqstannyń basym bóliginde aýa raıy jaýyn-shashynsyz bolady. Tek eldiń batysynda, soltústik-batysta, soltústikte atmosferalyq fronttardyń ótýine baılanysty keı jerlerde jańbyr jaýyp, naızaǵaı oınaıdy. Respýblıkanyń keı jerlerinde jel kúsheıip, tuman túsedi.
Bul týraly QR ІІM TJK baspasóz qyzmeti habarlaıdy.
Qostanaı oblysynyń keı jerlerinde naızaǵaı oınap, túnde keı jerlerde jel kúsheıedi, kúndiz jyldamdyǵy 15-20 m/s bolady.
Jambyl oblysynyń keı jerlerinde tuman túsedi, jeldiń jyldamdyǵy 15-20 m/s-ǵa jetedi, kúndiz ekpini 23 m/s bolady.
Qyzylorda oblysynda, kúndiz Almaty oblysynyń keı jerlerinde jeldiń jyldamdyǵy 15-20 m/s-ǵa jetip, shańdy daýyl turady.
Kúndiz Atyraý, Aqtóbe, Pavlodar oblystarynyń keı jerlerinde jeldiń jyldamdyǵy 15-20 m/s-ǵa deıin kúsheıip, Aqmola, Aqtóbe, Pavlodar oblystarynda naızaǵaı oınaıdy.
Qaraǵandy oblysynda, túnde Soltústik Qazaqstan, Shyǵys Qazaqstan oblystarynyń keı jerlerinde tuman túsedi.
Ońtústik Qazaqstan oblysynyń keı jerlerinde jeldiń kúshi 15-20 m/s bolady, kúndiz naızaǵaı oınaıdy. Batys Qazaqstan oblysynyń keı jerlerinde naızaǵaı kútiledi.
