20 mamyrda Astanada «Jas qanat» respýblıkalyq mýzykalyq konkýrsy bastalady

Konkýrsta Aqtóbe, Oral, Semeı, Óskemen, Almaty, Taldyqorǵan, Shymkent, Jezqazǵan jáne Qaraǵandy qalalarynan 14 oryndaýshy baǵyn synaıdy. Úsh oryndaýshy Astananyń namysyn qorǵaıdy.

- Búgin oryndaýshylar kóp jumys isteıdi, daıyndalady, kezdesýler, konkýrs aldyndaǵy jerebe tastaý ótkiziledi, ártister úshin bul óte mańyzdy. Konkýrsqa qatysýshylardyń jasy 15-ten 28-ge deıin. Bári de buryn basqa baıqaýlarǵa, sonyń ishinde halyqaralyq án konkýrstaryna qatysqan. «Jas qanat» ta basqa konkýrs sııaqty tájirıbe jınaýǵa, jańa adamdarmen tanysýǵa múmkindik beredi, sondaı-aq, qatysýshylarǵa sahnada ózin-ózi ustaý boıynsha sheberlik dáristeri ótkiziledi. Vokaldyń shegin anyqtaý úshin konkýrs repertýary kúrdeli bolýy kerek. Qatysýshylar ár túrli tilderde án salady, - dedi «Jas qanat» baıqaýynyń ókili Jibek Kashkeeva.

Atalǵan baıqaý talaı jas oryndaýshylardyń jolyn ashty, qazaqstandyq juldyzdardyń kóbi shyǵarmashylyq jolyn osydan bastaǵan.

Qazaqstandyq ánshi Nurlan Abdýllın «Jas qanat» jaıly óz oıymen bólisti.

- «Jas qanat» - bul ómirlik mektep. Men úshin bul asa mańyzy bar ómirdiń, erdiń úlken mektebi. Meniń oıymsha, bul baıqaýda qysqa ǵana ýaqytta alynǵan tájirıbe, ýnıversıtettik bilimnen asyp túspese, kem túspeıdi. Qanshalyqty qobaljýly bolsa da, jas ánshi barsha halyq aldynda óz ónerin kórsete alady. Bul baǵa jetpes tájirıbe, - dedi N. Abdýllın.

«Jas qanat» konkýrsy qazaqstandyq ánshi Madına Sadýaqasovanyń da taǵdyryn anyqtady.

- Ómirlik jolymdy tańdaýda "Jas qanat" baıqaýy basty ról atqardy. Boıyma erekshe jaýapkershilik artqan eń mańyzdy jeńisim de osynda boldy. Sebebi, meniń talantymdy ádil qazylar alqasy moıyndap, maǵan úmit artty. Al qazylar alqasynda ár kez belgili mádenıet pen óner qaıratkerleri bolatyn, - deıdi oryndaýshy.

Mereıtoılyq konkýrs 20-22 mamyrda Beıbitshilik jáne kelisim saraıynda ótedi.

Bılet satyp alý máselesi boıynsha 744650 telefonyna habarlasýǵa bolady.