20 mamyr. Tulǵalar týǵan kún

ASTANA. QazAqparat - Búgin, 20 mamyrda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

6 8 jyl buryn (1955) Qazaqstan Respýblıkasynyń Memlekettik jáne saıası qaıratkeri Qyrymbek Eleýuly KÓShERBAEV dúnıege keldi.

Qyzylorda oblysy Qazaly qalasynda týǵan. V.I.Lenın atyndaǵy Qazaq polıtehnıkalyq ınstıtýtyn qurylys ınjeneri mamandyǵy boıynsha (1978), KPSS Ortalyq Komıteti janyndaǵy Qoǵamdyq ǵylymdar akademııasynyń aspırantýrasyn (1991) bitirgen, saıasattanýshy. Saıası ǵylymdar doktory (halyqaralyq qatynastar). 50-den astam ǵylymı eńbek pen maqalalardyń avtory. 1978 jyly - Qyzylorda qalasyndaǵy «Glavrıssovhozstroı» JMK-112 ınjeneri, óndiristi daıyndaý tobynyń bastyǵy. 1979 jyly - Búkilodaqtyq ekpindi komsomoldyq qurylys - Qyzylorda oblysy kúrishtik ınjenerlik júıesi shtabynyń bastyǵy. 1981 jyly Qazaqstan LKJO Ortalyq Komıteti ekpindi qurylystardaǵy komsomol uıymdary sektorynyń meńgerýshisi. 1982 jyldan - Qazaqstan LKJO Ortalyq Komıtetiniń jaýapty uıymdastyrýshysy (Almaty qalasy). 1983 jyly - Qazaqstan LKJO Qyzylorda qalalyq komıtetiniń birinshi hatshysy. 1986 jyly - Qazaqstan LKJO Ortalyq Komıteti komsomol uıymdary bólimi meńgerýshisiniń orynbasary (Almaty qalasy). 1987-1988 jyldary - Qazaqstan LKJO Ortalyq Komıteti mádenıet bóliminiń meńgerýshisi. KPSS Ortalyq Komıteti janyndaǵy Qoǵamdyq ǵylymdar akademııasyn (1988-1991) bitirgennen keıin 1991 jyly Qazaq SSR Prezıdenti Apparatynyń Mádenıet jáne ultaralyq qatynastar referentýrasynyń referenti boldy. 1991 jyly - QR Premer-Mınıstri orynbasarynyń kómekshisi. 1994 jyly - Almaty qalasyndaǵy Kalının aýdanynyń ákimi. 1995 jyly - QR Mınıstrler Kabıneti Apparaty basshysynyń orynbasary - ishki saıasat bóliminiń meńgerýshisi. 1995 jyly - QR Úkimeti Apparaty basshysynyń orynbasary - aýmaqtyq damý bóliminiń meńgerýshisi. 1996 jyly - QR Prezıdentiniń Baspasóz hatshysy - Baspasóz qyzmetiniń jetekshisi. 1997 jyly - QR Bilim, mádenıet jáne densaýlyq saqtaý mınıstri. 1999 jyly - QR Densaýlyq saqtaý, bilim jáne sport mınıstri. 1999 jyly - QR Bilim jáne ǵylym mınıstri. 2000 jyly - Batys Qazaqstan oblysynyń ákimi. 2003 jyly - Qazaqstan Respýblıkasynyń Reseı Federatsııasyndaǵy tótenshe jáne ókiletti elshisi, Fınlıandııa men Armenııadaǵy tótenshe jáne ókiletti elshisi mindetin qosa atqarýshy. 2006 jyldan 2011 jylǵy jeltoqsanǵa deıin - Mańǵystaý oblysynyń ákimi. 2012 jylǵy shilde-qyrkúıek aılarynda - Qazaqstan Respýblıkasy Prezıdentiniń keńesshisi. 2012 jyly - QR Premer-Mınıstriniń orynbasary. 2013-2019 jyldary Qyzylorda oblysynyń ákimi. 2019 jyldyń maýsymynan qyrkúıekke deıin Qazaqstan Respýblıkasy Prezıdenti Ákimshiliginiń jetekshisi. 2019-2022 jyldary Qazaqstan Respýblıkasynyń Memlekettik hatshysy. «Qazaqstan Respýblıkasynyń Tuńǵysh Prezıdenti - Elbasy Nursultan Nazarbaev» (2015), ІІ dárejeli «Barys» (2009),«Parasat» (2003), «Dostyq» (RF, 2006) ordenderimen, medaldarymen marapattalǵan.

5 6 jyl buryn (1967) Qazaqstan Respýblıkasy Qarýly kúshteri Bas shtaby bastyǵynyń birinshi orynbasary Marat Raqymuly QUSAIYNOV dúnıege keldi.

Qaraǵandy oblysynyń Amantaý keńsharynda týǵan. 1988 jyly Chelıabi joǵary tankti komandalyq ýchılışesin támamdady. 1997 jyly RF QK Brondy tankti áskerler Áskerı akademııasyn, 2010 jyly RF QK BSh Áskerı akademııasyn (úzdik jáne altyn medalmen) bitirdi. Ofıtserlik qyzmetti Belarýs áskerı okrýginde vzvod komandıri bolyp bastady. 1993 jyldyń qańtary men maýsymy aralyǵynda tank dıvızııasy tank polki tank rotasynyń komandıri. 1993-1994 jyldary tank dıvızııasy tank polki oqý tank batalonynyń komandıri. 1994-1997 jyldary RF QK Brondy tankti áskerler Áskerı akademııasynyń tyńdaýshysy. 1997-2000 jyldary shtab bastyǵy - motoatqysh brıgadasy komandıriniń orynbasary. 2000-2002 jyldary QR QM Áskerı-ǵylymı ortalyǵy áskerı arnaıy zertteýler basqarmasynyń bastyǵy. 2002-2003 jyldary motoatqysh brıgadasynyń komandıri. 2003-2004 jyldary shtab bastyǵy - motoatqysh brıgadasy komandıriniń orynbasary. 2004-2005 jyldary jaǵalyq qorǵanys brıgadasynyń komandıri. 2005-2006 jyldary mehanıkalandyrylǵan brıgadasy tehnıka men qarý-jaraqty saqtaý bóliminiń bastyǵy. 2006-2008 jyldary shtab bastyǵynyń jedel jumys jónindegi orynbasary - «Shyǵys» óńirlik qolbasshylyǵy áskerleri qolbasshysy basqarmasy shtabynyń jedel basqarma bastyǵy. 2008-2010 jyldary RF QK BSh Áskerı akademııasynyń tyńdaýshysy. 2010-2013 jyldary óńirlik qolbasshylyq áskerleri qolbasshysynyń birinshi orynbasary - «Batys» óńirlik qolbasshylyǵy áskerleri qolbasshysy basqarmasynyń shtab bastyǵy. 2013-2014 jyldary óńirlik qolbasshylyq áskerleri qolbasshysynyń birinshi orynbasary - «Shyǵys» óńirlik qolbasshylyǵy áskerleri qolbasshysy basqarmasynyń shtab bastyǵy. 2014-2016 jyldary óńirlik qolbasshylyq áskerleri qolbasshysynyń birinshi orynbasary - «Ońtústik» óńirlik qolbasshylyǵy áskerleri qolbasshysy basqarmasynyń shtab bastyǵy. 2016-2019 jyldary «Ońtústik» óńirlik qolbasshylyǵy áskerleriniń qolbasshysy. QR Qarýly Kúshteri Qurlyq áskerleriniń bas qolbasshysy (2019-2020 jj.).

2021 jyldyń qyrkúıek aıynan bastap qazirgi qyzmetinde.

5 6 jyl buryn (1967) «Qazaqstan temir joly» UK» AQ basqarma tóraǵasy Nurlan Ermekuly SAÝRANBAEV dúnıege keldi.

Taraz qalasynda týǵan. 1991 jyly ál-Farabı atyndaǵy qazaq memlekettik ýnıversıtetin, 2001 jyly - ENI-Adjıp munaı ónerkásibiniń oqý ortalyǵyn bitirgen. Munaıdy basqarý magıstri. Eńbek jolyn 1991 jyly Almaty qalasynda «Eńbek» JShS-nyń dırektory laýazymynan bastady, 1997 jylǵa deıin dırektor laýazymyn atqardy. 1997 - 1998 jyldary - Qazaqstan Respýblıkasynyń Kásipkerler kongresiniń atqarýshy dırektory. 1998 - 2000 jyldary - «Qazaqstan Temir Joly» RMK «Jolaýshylar tasymaly» EMK dırektory. 2000 - 2001 jyldary - «AMÓZ» AAQ birinshi vıtse-prezıdenti. 2001-2002 jyldary - «Qazaqoıl» NNK JAQ «AMÓZ» AAQ qaıta qurý jobasyn basqarý jónindegi top basshysy, bas menedjer. 2002-2004 jyldary - «QazMunaıgaz» UK JAQ ınjınırıngilik jáne servıstik jobalar departamentiniń dırektory. 2004-2007 jyldary - «TeńizServıs» JShS bas dırektorynyń orynbasary. 2007-2010 jyldary - «QazMunaıGaz» UK AQ-nyń basqarýshy dırektory. 2010-2011 jyldary - «Samuryq-Qazyna» UÁQ AQ-nyń Basqarma bastyǵy orynbasarynyń kómekshisi. 2011 jylǵy qańtar-mamyr aılarynda - «Samuryq-Qazyna» UÁQ AQ-nyń basqarýshy dırektory. 2011-2014 jyldary - QR Indýstrııa jáne jańa tehnologııalar vıtse-mınıstri. 2014 jyldyń tamyz aıynan QR Qorǵanys mınıstriniń orynbasary boldy. 2015 jyldyń qańtar aıynda «Qazaqstan ınjınırıng» UK» AQ dırektorlar keńesiniń tóraǵasy bolyp saılandy. 2017 jyly «EKSPO-2017» halyqaralyq mamandandyrylǵan kórmesi uıymdastyrý komıtetiniń basshysy bolǵan. 2017-2018 jyldary - Shymkent qalasynyń ákimi. Qazaqstan Respýblıkasy Prezıdenti Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń meńgerýshisi (2019-2021 jj.). Qazirgi qyzmetinde - 2021 jyldyń sáýirinen.

«Qurmet» (2007), «Parasat» ordenderimen, «Qazaqstan Respýblıkasynyń táýelsizdigine 20 jyl» merekelik medalimen marapattalǵan.