20 qyrkúıek kúni respýblıkanyń soltústik-shyǵys, shyǵys jáne ońtústik-shyǵysynda jańbyr jaýady - Qazgıdromet
ASTANA. 19 qyrkúıek. QazAqparat - Qazaqstan Respýblıkasy Qorshaǵan ortany qorǵaý mınıstrliginiń «Qazgıdromet» RMK-nyń málimetterinshe, 2012 jyldyń 20 qyrkúıeginde respýblıkanyń soltústik-shyǵys, shyǵys jáne ońtústik-shyǵysynda atmosferalyq frontaldyq bólikterdiń ótýimen keıbir jerlerde jańbyr jaýyp, jel kúsheıedi.
Respýblıkanyń qalǵan bóliginde jaýyn-shashynsyz aýa raıy kútilýde.
Aqmola, Qostanaı, Shyǵys Qazaqstan, Jambyl, Qyzylorda oblystarynda, túnde Soltústik Qazaqstan, Pavlodar oblystarynda, kúndiz Ońtústik Qazaqstan, Qaraǵandy oblystarynda jeldiń 15-20 m/s-ke deıin kúsheıýi kútilýde, Aqmola jáne Qostanaı oblystarynda túnde jáne tańerteń keıbir jerlerde tuman túsýi yqtımal.
Túnde Aqtóbe, Qostanaı, Soltústik Qazaqstan oblystarynyń keıbir jerlerinde aýanyń temperatýrasy 0-2 gradýsqa deıin tómendeıdi. Respýblıkanyń ońtústigi men ońtústik-shyǵysynda tótenshe joǵary órt qaýiptiligi saqtalýda.
Jaqyn táýlikterde Batys Altaıdyń jekelegen ózenderinde jańbyrlarǵa baılanysty sý deńgeıleri kóterilýi múmkin. Qazaqstannyń qalǵan sý nysandarynda gıdrologııalyq rejımde aıtarlyqtaı ózgerister kútilmeıdi.
