20 qyrkúıek. QazAqparat kúntizbesi
20 qyrkúıek, BEISENBІ
Ázerbaıjanda munaıshylar kúni
Ázerbaıjan Prezıdentiniń 2001 jylyǵy 16 tamyzdaǵy Jarlyǵymen bekitilgen.
Qyrǵyz Respýblıkasynda kásipkerler kúni
2000 jyly kásipkerlikke qatysty zań qabyldanǵannan keıin paıda bolǵan. Osyndaı bastama el kásipkerleriniń 1 sezinde kóterildi.
Rekrýter kúni
Qazaqstan, Belarýs, Qyrǵyzstan, Reseı men Ýkraına elderinde atalyp ótiledi. Alǵash ret ol 2001 jyly toılandy. Rekrýterler aǵylshyn tilinen aýdarǵanda «recruitment» - kadrlar iriktep alý, mamandar qabyldaý degendi bildiredi.
ESTE QALAR OQIǴALAR
1913 jyly Semeıde alǵashqy qazaqstandyq fýtbol komandalary: SSK, «Olımp», «Lastochka», «Orlıata» jáne «ıArysh» quryldy. «ıArysh» fýtbol klýbynyń quramynda qazaqtyń uly jazýshysy, qoǵam qaıratkeri, ǵulama ǵalym Muhtar Omarhanuly Áýezov (1897-1961) óner kórsetken.
1987 jyly Pavlodar oblysynda Ekibastuz GRES-2 qurylysyna baılanysty Solnechnyı kenti ashyldy. Ol Ekibastuz qalalyq ákimshiliginiń quramyna kiredi. Pavlodardan batysqa qaraı 172 shaqyrym jáne Ekibastuzdan soltústikke qaraı 42 shaqyrym qashyqtyqta ornalasqan.
2001 jyly Qaraǵandyda Qazaqstan Táýelsizdiginiń 10 jyldyǵy atyndaǵy etnopark ashyldy. Jalpy aýmaǵy 36 ga quraıtyn etnoparkte Ulytaý jáne Qarqaraly taýlary, Balqash kóli, qalanyń bas ǵımarattary ornalasqan.
2002 jyly Qazaqstan Respýblıkasynyń Prezıdenti Nursultan Nazarbaev «Adam quqyqtary jónindegi ýákil qyzmetin belgileý týraly» Jarlyqqa qol qoıdy.
2005 jyly Qostanaıdyń oblystyq tarıhı-ólketaný murajaıynda Qazaqstannyń tanymal músinshisi Hákimjan Naýryzbaevtyń jeke kórmesi ashyldy.
Naýryzbaev Hákimjan Esimhanuly (1925-2009) - músinshi, ulttyq kásibı músin óneriniń negizin salýshylardyń biri, Qazaq KSR-iniń halyq sýretshisi, Qazaqstannyń eńbek sińirgen óner qaıratkeri. Qostanaı oblysy Meńdiqara aýdanynyń Ulykól aýylynda týǵan. Harkov kórkemsýret ınstıtýtyn bitirgen. 1952 jyldan bastap Almaty qalasyndaǵy joǵary oqý oryndarynda oqytýshylyq qyzmet atqardy. Ol 200-den astam ár alýan eskertkish («Amangeldi Imanov», Qostanaı oblysy Amangeldi aýdanynyń ortalyǵynda), bıýstter («Qurmanǵazy», «M.Hakimjanova», «S.Qojamqulov», «S.Seıfýllın», QR Memlekettik óner murajaıynda), sondaı-aq Q.Sátbaev, Y.Jaqaev, A.Jubanov, T.Tájibaev, J.Saın, D.Nurpeıisova, T.Jarokov, H.Esenjanov, M.Áýezov, S.Muqanov, Jambyl tulǵalaryn jasaǵan. Kazaqstan Respýblıkasynyń Memlekettik syılyǵynyń ıegeri. «Parasat», Eńbek Qyzyl Tý, «Qurmet belgisi» ordenderimen, medaldarmen marapattalǵan.
2006 jyly Qaraǵandy oblysyndaǵy «Mıttal Stıl Temirtaý» AQ-nyń Lenın atyndaǵy shahtasynda metannyń jarylýy saldarynan 41 shahter qaza taýyp, 12-si ártúrli dárejede jaraqattar aldy. Úkimettik komıssııanyń tekserý qorytyndysy boıynsha jarylys tehnıkalyq jáne uıymdastyrý barysynda jiberilgen qatelikterden oryn alǵan.
2007 jyly Almatyda shala kóretin jáne zaǵıp adamdarǵa arnap shyǵarylǵan alǵashqy «Jeke zań keńesshisi» atty zańnamalyq aktiler aýdıojınaǵynyń tanystyrylymy bolyp ótti. Múmkindigi shekteýli adamdardyń quqyǵy týraly Qazaqstan Respýblıkasynyń normatıvtik-quqyqtyq zańnamalyq aktiler jınaǵyn shyǵarý ıdeıasy «Anashym» ǵarip balalar men jastar qoryna tıesili. «Jeke zań keńesshisiniń» qurylý maqsaty - bilim, densaýlyq saqtaý jáne salyq tóleý suraqtary boıynsha túsinikti zań kómegin berýge baǵyttalǵan.
2007 jyly Shymkenttiń «Jebe» kınostýdııasy «Túlki, búrge jáne tasbaqa» atty jańa anımatsııalyq fılmin shyǵardy. Mýltfılm qazaq halyq ertegileriniń jelisi boıynsha túsirilgen. Ertegide dostyq jáne eńbeksúıgishtik jaıly baıandalady.
2010 jyly tennısten Qazaqstannyń erler quramasy alǵash ret Devıs kýboginiń álemdik tobyna joldama jeńip aldy.
2010 jyly Tarazda Baýyrjan Momyshulynyń 100 jyldyq mereıtoıyna oraı jazýshy shyǵarmalarynyń 30 tomdyq jınaǵy jaryq kórdi. Jınaq «Memleket qaıratkerleriniń jadyn máńgilik etý» baǵdarlamasy aıasynda basyp shyǵarylady.
2010 jyly QR SІM Qazaqstannyń arab elderimen syrtqy saıası qatynastardy damytý jáne nyǵaıtýǵa arnalǵan «Qazaqstan Respýblıkasy jáne arab álemi» atty albom kitabyn tanystyrdy.
Negizgi maqsaty - eki el arasyndaǵy kópqyrly yntymaqtastyqty damytý jáne nyǵaıtý.
2010 jyly Qazaqstannyń Reseıdegi Tótenshe jáne Ókiletti elshisi Zaýytbek Turysbekov Máskeý meri ıÝrıı Lýjkovpen belgili qazaq memlekettik qaıratkeri, RKFSR halyqkomkeńesi tóraǵasynyń orynbasary Turar Rysqulovtyń 1931-1934 jyldary turǵan Máskeýdegi úıine memorıaldyq taqta ornatý týraly ýaǵdalastyq jasasty.
2012 jyly Halyqaralyq túrki mádenıeti uıymynyń (TÚRKІSOI) mádenıet mınıtrleriniń otyrysy jáne Qazaqstan, Ázerbaıjan, Túrkııa sýretshileri men fotograftarynyń kórme jumysy ótti.
2013 jyly Astanada QR Prezıdentiniń janyndaǵy jastar saıasaty keńesi jastar bastamalar qoryn tanystyrdy. Onyń negizgi maqsaty - jastardy qoldaý.
2014 jyly Almatyda qala kúnine arnalǵan «Altyn alma» halyq qolóneriniń jármeńkesi ashyldy. Oǵan Qazaqstannyń barlyq óńirinen, Qyrǵyzstan, Tájikstan, Túrikmenstan, Ózbekstan, Reseı elderinen 150-den astam halyq sheberleri qatysty.
2014 jyly Memleket basshysy Nursultan Nazarbaev Tatarstan Prezıdenti Rýstam Mınnıhanovpen kezdesti. Onda eki eldiń saýda-ekonomıkalyq jáne mádenı-gýmanıtarlyq salalaryndaǵy yntymaqtastyqtyń negizgi máseleleri talqylandy.
2015 jyly Almatyda alǵash ret shaı quryltaıy ótti, oǵan «Qytaı-Qazaqstan» dostyq jáne yntymaqtastyq kerýeniniń qatysýshylary men Almaty qalasynyń ákimdigi qatysty.
2015 jyly Almatyda «Eýrazııa» XI halyqaralyq kınofestıvali men «Sháken juldyzdary» kınofestıvaliniń ashylý rásimi ótti.
Kınofestıval «Uly Jibek jolynyń» 10 kartınasyn, Ortalyq Azııa elderiniń 9 kartınasyn qamtıdy. Olardyń ishinde qazaqstandyq Ermek Tursynovtyń «Jat» fılmi kórsetildi.