20 kún úıine qonbaǵan: Atyraýlyq jasóspirim Aqtaýdaǵy mektep-ınternatqa jiberildi
Oblystyq polıtsııa departamenti baspasóz qyzmetiniń aqparatyna qaraǵanda, jyl basynan beri ıývenaldy polıtsııa bólimshesiniń qyzmetkerleri kámeletke tolmaǵan balalaryn tárbıeleý jáne oǵan bilim berý, onyń quqyqtary men múddelerin qorǵaý jónindegi mindetterdi oryndamaǵan 96 ata-anany anyqtady.
Olardyń bári QR Ákimshilik quqyq buzý kodeksiniń 127-babymen ákimshilik jaýapkershilikke tartyldy.
Atyraý qalalyq polıtsııa basqarmasy ıývenaldy polıtsııa bólimshesiniń qyzmetkerleri jyl basynan beri kámeletke tolmaǵandar arasyndaǵy quqyq buzýshylyqtardyń profılaktıkasy men balalardyń qadaǵalaýsyz jáne panasyz qalýynyń aldyn alý maqsatynda 54 is-qujat jınaqtady.
Máselen, 1981 jylǵy áıel 15 jasar ulynyń 20 kúnge jýyq turǵylyqty mekenjaıyndaǵy úıine qonbaı, qańǵybastyqqa salynǵanyna shaǵymdandy.
Atalǵan azamatshanyń shaǵymynyń negizinde tártip saqshylary jasóspirimniń sabaqqa 10 kúnnen asa qatyspaǵanyn anyqtady.
Polıtsııa qyzmetkerleri men synyp jetekshisi, mektep psıhology jasóspirimge túsindirý jumysyn júrgizse de, onyń úıge qonbaý deregi birneshe ret qaıtalandy.
«ıÝvenaldy polıtsııa bólimshesiniń qyzmetkerleri jasóspirimdi kámeletke tolmaǵandardy beıimdeý ortalyǵyna ornalastyryp, oǵan qatysty jınaqtalǵan is-qujattar Aqtaý qalasyndaǵy devıanttyq minez-qulyqty balalarǵa arnalǵan mektep-ınternatyna ornalastyrý týraly usynyspen Atyraý qalalyq ákimdigi janyndaǵy kámeletke tolmaǵandardyń quqyǵyn qorǵaý komıssııasyna joldandy. Komıssııa otyrysynda polıtseılerdiń usynysy qanaǵattandyrylyp, 15 jasar jasóspirimdi Aqtaý qalasyndaǵy devıanttyq minez-qulyqty balalarǵa arnalǵan mektep-ınternatyna ornalastyrý úshin qaýly shyǵardy»,-dep habarlady departamenttiń baspasóz qyzmeti.
Eske sala ketelik, budan buryn Atyraýda túnde qydyrǵan 23 jasóspirim ustalǵanyn jazǵan bolatynbyz.
