20 keli altyn kontrabandasyna qatysty is sotqa jóneltildi
ASTANA. 11 qańtar. QazAqparat - Almaty qalasynyń avıatsııalyq kólik prokýratýrasy asa iri kólemde altyn buıymdar kontrabandasy boıynsha aıyptaý qorytyndysyn shyǵaryp, azamat S.Kókinbaevtyń isin sotqa tapsyrdy, dep habarlady atalǵan vedomstvonyń baspasóz qyzmetinen.
Esterińizge sala keteıik, ótken jyldyń qarashasynda «Almaty halyqaralyq áýejaıy» AQ-nyń shekara jáne kedendik baqylaýynan ótken qazaqstandyq azamat avtoturaqta shekara qyzmeti qyzmetkerleriniń qolyna túsken bolatyn. «Ystambul-Almaty» baǵytynda qatynaıtyn TK-350 reısimen kelgen atalǵan azamattyń jeke zattaryn tekserý barysynda salmaǵy 20,9 keli bolatyn altyn buıymdar tabyldy. Atalǵan isti tergeýdi qarjy polıtsııasy organdary júrgizdi.
Tergeý qorytyndylaryna sáıkes zergerlik buıymdardyń quny 108,9 mln. teńgeni, al memleket bıýdjetine tólenýi tıisti kedendik tólemder men salyqtar somasy 35 mln. teńgeni quraıdy.
Keshe QR QK 209 babynda qarastyrylǵan qylmystardy jasaǵany úshin Kóshkinbaev isi sotqa berildi.
