20 qazanǵa deıin qandaı salyqtardy tóleý kerek
ASTANA. KAZINFORM – Qazaqstanda 20 qazanǵa deıin birqatar salyq pen mindetti tólemderdi tóleý qajet.
Atalǵan merzimge deıin myna esep nysandaryn tapsyrý kerek:
• 328.00-nysan – 2026 jylǵy qyrkúıek aıynda ákelingen taýarlar men janama salyqtardy tóleý týraly ótinish;
• 851.00-nysan – jer ýchaskelerin paıdalanǵany úshin aǵymdaǵy tólemder esebi. Bul esepti qyrkúıekte jer paıdalaný týraly shart jasasqan nemese qatty paıdaly qazbalardy barlaýǵa ne óndirýge lıtsenzııa alǵan tulǵalar tapsyrýy kerek;
• 870.00-nysan – qorshaǵan ortaǵa teris áser etkeni úshin tólem somasy 100 AEK-ten aspaıtyn jaǵdaıda tapsyrylatyn deklaratsııa. Bul talap qyrkúıekte tıisti ruqsat alǵan tulǵalarǵa qatysty.
Sonymen birge, 20 qazanǵa deıin myna tólemderdi jasaý qajet:
• 2026 jylǵy qyrkúıek úshin Eýrazııalyq ekonomıkalyq odaq aıasyndaǵy qosylǵan qun salyǵy;
• 2026 jylǵy qyrkúıek úshin aktsız, onyń ishinde EAEO aýmaǵynan ákelingen taýarlarǵa salynatyn aktsız;
• qorshaǵan ortaǵa teris áser etkeni úshin tólem, onyń somasy 100 AEK-ten aspaýy kerek;
• 2026 jyldyń úshinshi toqsany úshin ormandy uzaq merzimdi paıdalanǵany úshin tólem;
• 2026 jyldyń úshinshi toqsany úshin ósimdik resýrstaryn paıdalanǵany úshin tólem.
Aıta keteıik, 9 aıda respýblıkalyq bıýdjettiń kirisi jyldyq jospardan qalyp, qosylǵan qun salyǵy túsimderi baıaý oryndalǵan. Sonyń saldarynan shyǵysty jabý úshin qaryz tartý qajettigi týyndap otyr.
