20 qazanǵa arnalǵan aýa raıy boljamy
ASTANA. QazAqparat - Búgin Qazaqstannyń basym bóliginde atmosferalyq frontaldy bólikterdiń ótýine baılanysty keı jerlerde jaýyn-shashyn (qar) kútiledi, tek batysta jáne ońtústikte aýa raıy jaýyn-shashynsyz. Keı jerlerde tuman, kóktaıǵaq, jaıaý burqasyn bolady, jeldiń jyldamdyǵy 15-20 m/s-ǵa deıin kúsheıedi.
Bul týraly QR ІІM TJK baspasóz qyzmeti habarlaıdy.
Aqmola, Qostanaı, Soltústik Qazaqstan, Pavlodar oblystarynyń keı jerlerinde kóktaıǵaq, burqasyn bolyp, jeldiń jyldamdyǵy 15-20 m/s-ǵa deıin kúsheıedi, Qostanaı oblysynyń keı jerlerinde tuman bolady.
Qaraǵandy, Jambyl oblystarynyń keı jerlerinde tuman, kóktaıǵaq bolady, Qaraǵandy oblysynyń keı jerlerinde jeldiń jyldamdyǵy 15-20 m/s-ǵa deıin kúsheıedi.
Shyǵys Qazaqstan oblysynyń keı jerlerinde kóktaıǵaq bolady, jeldiń jyldamdyǵy 15-20 m/s-ǵa deıin kúsheıedi.
Ońtústik Qazaqstan, Qyzylorda, Mańǵystaý, túnde Almaty oblystarynyń keı jerlerinde tuman, Ońtústik Qazaqstan oblysynda jeldiń jyldamdyǵy 15-20 m/s-ǵa deıin kúsheıedi.
